भांगरभूंय | प्रतिनिधी
नवी दिल्ली, खबरां संस्था: दिल्ली विधानसभा वेंचणुकेचे फाटभूंयेर सत्ताधारी आम आदमी पक्षा सयत कॉंग्रेस आनी भाजपा वांगडा हेर सगळ्या पक्षांचो नेटान प्रचार सुरु आसा. हेच वेंचणुके निमतान आम आदमी पार्टीन आयज आपलो जाहीरनामो प्रसिद्ध केला. ह्या जाहीरनाम्यांत दिल्लीचे आदले मुख्यमंत्री अरविंद केजरीवाल हांणी १५ गॅरंटी जाहीर केल्यात.
हातूंत रोजगार, भलायकी सेवा, शिश्यवृत्ती, फुकट वीज, २४ वरां उदक, नितळ यमुना, विद्यार्थ्यांक फुकट बस, रेशन कार्ड, चलयेच्या लग्ना खातीर एका लाखाची मजत. अश्यो व्हड घोशणा आम आदमी पक्षा वतीन केल्यात.
अरविंद केजरीवाल हांच्यो १५ गॅरंटी खंयच्यो?
१. बायलां सन्मान येवजण
२. संजीवनी येवजण
३. चुकीचें उदक बिल माफ जातलें
४. २४ उदकाची पुरवण
५. यमुना न्हंय नितळ
६. दिल्लीचे रस्ते नितळ
७. डॉ. बाबासाहेब आंबेडकर शिश्यवृत्ती येवजण
८. विद्यार्थ्यांक फुकट बस
९. पुजारी आनी ग्रंथींक १८ हजार
१०. फुकट वीज
११. गटारांची नितळसाण
१२. नवें रेशनकार्ड
१३. चलयांच्या लग्ना खातीर १ लाख रुपया
१४. १० लाख रुपयांचो जीवन विमा
१५. सुरक्षा रक्षक
मजगतीं, फाटल्या कांय दिसां सावन दिल्लीक विधानसभा वेंचणुकेचे फाटभूंयेर बरेंच राजकारण तापलां. सत्ताधारी आम आदमी पक्ष आनी भाजपाच्या फुडार्यां मदीं आरोप-प्रत्यारोप जातात. दिल्लीक ७० सुवाताचेर ५ फेब्रुवारीक मतदान जातलें. ८ फेब्रुवारीक वेंचणुकांचो निकाल जाहीर जातलो. ही वेंचणूक वट्ट ७० सुवातां खातीर जाता. दोन जैतां उपरांत हे वेंचणुकेंत पक्षाक दिल्लीचे लोक जिखोवन दितले काय ना हें निकाला उपरांतूच स्पश्ट जातलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
