भांगरभूंय | प्रतिनिधी
जोधपूर, खबरां संस्था: कोलकाताच्या हॉस्पिटलांत जाल्लो बलात्कार आनी खून प्रकरणाचो देश निशेध करता आसतनाच एके ल्हान चलयेचेर बलात्कार जाल्ल्याची घडणूक मुखार आयली. देवळा भायर न्हिदिल्ले हे चलयेचें अपहरण करून तिचेर बलात्कार केलो. राजस्थानच्या जोधपूर हांगा ही घडणूक घडली.
मुळचें मध्य प्रदेशांतलें हें कुटूंब राजस्थानाक एके झोपडपट्टेंत रावता. हें कुटूंब रातचें देवळा भायरूच न्हिदलें. तांचे वांगडा आशिल्लें तीन वर्सां पिरायेचें सानुलेंय तांचे वांगडा न्हिदलें. मात रातचें उसरां ते चलयेचें अपहरण करून तिचेर बलात्कार केलो. बांदिल्ले अवस्थेंत ती सकाळीं साडे स मजगतीं सांपडली. ती सांपडली तेन्ना तिच्या ओठांचेर आनी फाटीचेर घावे आशिल्ले.
सहाय्यक पुलीस आयुक्त अनिल कुमार हांणी, सीसीटीव्ही फुटेजींत सकाळीं सुमार २ वरांचेर एक मनीस ते चलयेक उखलून घेवन वतना दिसता. आमी सीसीटीव्ही रेकॉर्डिंग तपासतात आनी आरोपीक वळखुपाचो यत्न करतात अशें तांणी सांगलें.
ते चलयेचो बापूय रॅगपिकर म्हणून काम करतात आनी तिचे आवयची मानसीक भलायकी सारकी ना. ते चलयेक पांच वर्सां पिरायेचो भावूय आसा, अशें अनिल कुमार हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
