भांगरभूंय | प्रतिनिधी
नवी दिल्ली, खबरां संस्था ः आधार कार्डा संबंदीं EPFO न व्हडलो निर्णय घेतला. जल्म तारीख अपडेट करपाक वा दुरुस्त करपाक आधार कार्ड वापरूंक मेळना. EPFO न वैध दस्तावेजांच्या वळेरेंतल्यान ताका वगळ्ळा. कर्मचारी प्रॉव्हिडंट फंड असोसिएशनान हे संबंदी परिपत्रक जारी केला.
आधार वापरून जल्म तारीख बदलूंक मेळना अशें EPFO न सांगलें. EPFO न 16 जानेवारीक हें परिपत्रक जारी केल्लें. ते प्रमाण UIDAI कडल्यान एक पत्रय मेळ्ळें. जल्माची तारीख बदलल्यार आधार कार्ड वैध आसचें ना अशेंय सांगलां. वैध कागदपत्रांच्या वळेरेंतल्यान ते काडून उडयला. ते खातीर जल्मतारखेच्या पुराव्या वयल्यान आधार काडून उडोवपाचो निर्णय घेतला.
जल्म प्रमाणपत्रा वांगडा हे कागदपत्र आवश्यक….
EPFO च्या म्हणण्या प्रमाण जल्म प्रमाणपत्राच्या आदारान हो बदल करूं येता. हाचे भायर खंयच्याय सरकारी मंडळाचे वा विद्यापिठाचे आनी शाळा सोडपाचें प्रमाणपत्र वा शाळा बदली प्रमाणपत्रय वापरूं येता. ताचें नांव आनी जल्म तारीख नमूद करची. हाचे भायर सिव्हिल सर्जन कडल्यान दिल्लें वैजकी प्रमाणपत्र, पासपोर्ट, पॅन क्रमांक, सरकारी पेन्शन आनी मेडिक्लेम प्रमाणपत्र आनी अधिवास प्रमाणपत्र वापरूं येता.
वळख आनी राबितो प्रमाणपत्र म्हणून आधाराचो वापर करचो…
UIDAI सांगलां, आधार कार्ड वळखपत्र आनी राबितो प्रमाणपत्र म्हणून वापरपाक जाय पूण ताचो उपेग जल्म प्रमाणपत्र म्हणून करचो न्हय. आधार हें 12 अंकांचें एकमेव वळखपत्र. ते भारत सरकारान जारी केलां. तुमची वळख आनी कायम राबितो हाचो पुरावो म्हणून तो देशभर वैध आसा. पूण आधार करतना तांच्या वेगवेगळ्या कागदपत्रां प्रमाण तांची जल्म तारीख नोंद केल्यार लेगीत ती पर्यायी वा जल्म प्रमाणपत्राचो पुरावो म्हणून वापरुंक फावना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
