भांगरभूंय | प्रतिनिधी
नवी दिल्ली: आयच्यान म्हणल्यार, ५ जानेवारी सावन आधार लिंक नाशिल्ले आयआरसीटीसी वापरकर्ते सकाळीं ८ ते सांजेवेळार ४ वरां मेरने तिकेट बूक करपाक मेळची ना. हो नेम फकत आरक्षीत रेल्वे तिकीट बुकींग सुरू जावपाच्या पयल्या दिसा लागू जातलो. आरक्षीत तिकेटींचें बुकींग ट्रेन सुटपाचे तारखेच्या ६० दिसां आदीं सुरू आशिल्लें.
रेल्वे हो नेम तीन टप्प्यांनी लागू करता. पयलो टप्पो २९ डिसेंबर सावन लागू जाल्लो. जाल्यार दुसरो टप्पो आयच्यान सुरू जाला आनी तिसरो टप्पो १२ जानेवारी सावन लागू जातलो.
२९ डिसेंबर सावन आधारा बगर सकाळीं ८ ते दनपरां १२ वरां मेरेन तिकीट बुकींग बंद केल्लें.
आयज (५ जानेवारी) सावन सकाळीं ८ ते सांजेवेळार ४ वरां मेरेन तिकेट बुकिंगाचेर बंदी आसतली.
१२ जानेवारी सावन सकाळीं ८ ते रातच्या १२ वरां मेरेन अशा वापरकर्त्यांची तिकेट बूक जावची ना.
बनावट खात्यांतल्यान बुकींग जावचें न्हय हो ह्या नेमाचो हेतू आसा.
सुरवातेच्या दिसांनी चडांत चड प्रवाशांक ऑनलायन तिकेटी बुक करण्याची संद दिवपाचोय हेतू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
