भांगरभूंय | प्रतिनिधी
पणजी ः पणजी प्रधान जिल्लो आनी सत्र न्यायालयान आदले मुख्यमंत्री दिगंबर कामत आनी खण उद्देजक रवींद्र प्रकाश हांचे सयत 16 जाणांक बेकायदो खण प्रकरणांतल्या आरोपांतल्यान मुक्त केल्यात. ताका लागून आदले मुख्यमंत्री दिगंबर कामत हांकां आतां खण भानगड प्रकरणांतल्यान थाकाय मेळ्ळ्यां.
2018 वर्सा ह्या प्रकरणाची चवकशी करपा खातीर स्थापन केल्ल्या खाशेल्या तपास पंगडाच्या (एसआयटी) आरोपपत्रांत दिगंबर कामत हांचें नांव आशिल्लें. 2007- 2012 ह्या काळांत दिगंबर कामत मुख्यमंत्री आसतना खण लीजाच्या नूतनीकरणाक कळाव जाल्ल्यान एसआयटीन (खण) 2018 वर्सा तांचेर आरोपपत्र दाखल केल्लें.
लीजधारकांनी ‘मॅग्नम’ कडेन कबलात केली आनी ताचे वरवीं राज्य आनी केंद्र सरकाराची मान्यताय घेनासतना लीजाचे हक्क हस्तांतरीत केले. कामत हांणी आपल्या आशीर्वादान खनिज उत्खननाक परवानगी दिल्ली असो आरोप तांचेर जाल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
