भांगरभूंय | प्रतिनिधी
म्हापशें: शिवोलीचे आदले आमदार तशेंच आदले मंत्री अशोक तुकाराम नायक साळगांवकार आयतारा म्हापशेंच्या एका खाजगी हॉस्पिटलांत ल्हानश्या दुयेंसान अंतरले. ते मुळचे तारची भाट शिवोलेचे, मात गणेशपुरी म्हापश्यां रावताले.
आयतारा सांजे वेळार म्हापशेंच्या वैकुंठधाम मसुंडेंत अशोक नायक साळगांवकार हांचे कुडीचेर निमाणे संस्कार केले. पूत रितेश हांणी अग्नी दिलो. तांच्या फाटल्यान घरकान्न, पूत, तीन धुवो, चार भाव, भावजयो, पुतणे, पुतणयो, सुनो, जावंय, नातरां असो व्हड परिवार आसा. लक्ष्मी ट्रॅव्हल्साचे ते धनी.
राज्यसभा खासदार सदानंत शेट तानावडे, आदले केंद्रीय मंत्री अॅड. रमाकांत खलप, आदले मंत्री दयानंद मांद्रेंकार, नगराध्यक्षा डॉ. नूतन बिचोलकर, आसगांवचे सरपंच हनुमंत नायक, काँग्रेस फुडारी राजन घाटे, भंडारी समाजाचे अध्यक्ष देवानंद नायक आनी हेरांनी अंत्यदर्शन घेतलें.
अशोक साळगांवकार हे 1994 चे विधानसभा वेंचणुकेंत मगो पक्षाचे उमेदवारीचेर वेंचून येवन आमदार जाल्ले. ते उपरांत तांणी काँग्रेस पक्षांत प्रवेश केलो आनी 1990 चे वेंचणुकेंत फक्त 13 मतांनी जैतवंत जावन ते दुसरे खेपे आमदार जाले. 1990 त तांणी मंत्रीपद भुशयलें. मंत्रीपदार आसतना गणेशपुरींतल्या गणेश मंदिरा खातीर ताचे आड म्हापशेंकारांनी संग्राम आंदोलन केल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
