भांगरभूंय | प्रतिनिधी
आदले आंतरराष्ट्रीय क्रिकेट अंपायर रुडी कोर्टझेन संवसाराक अंतरले. 73 वर्सां पिरायेचे कोर्टझेन मूळ दक्षीण आफ्रिकेचे आशिल्ले. तांकां रस्तो अपघातांत मरण आयलें.
दक्षीण आफ्रिकेच्या रिव्हरडेल नांवाच्या वाठारांत मंगळारा सकाळीं जाल्ल्या अपघारांत कोर्टझेन सयत आनीक तिगांक मरण आयलें. ह्या अपघातांत मोटारींनी एकामेकाक मुखा वयल्यान धपको दिलो. कोर्टझेन हे संवसारांतल्या उत्कृश्ठ अंपायरांतले एक आशिल्ले. आंतरराष्ट्रीय क्रिकेटींतल्या 331 मॅचींनी तांणी अंपायरिंग केल्ली.
1992त पोर्ट एलिझाबॅथांत येजमान दक्षीण आफ्रिका आनी भारत ह्या पंगडां मदीं बॉक्सींग डे टॅस्ट जाल्ली. ते मॅचींत कोर्टझेनान अंपायर म्हणून आपली कारकिर्द सुरू केल्ली. तांणी विक्रमी 209 वन डे मॅचींनी आनी 14 टी-20 मॅचींनी अंपायरिंग केल्ली.
2010त ऑस्ट्रेलिया आनी पाकिस्तान ह्या पंगडां मदीं जाल्ले टॅस्टी उपरांत तांणी आंतरराष्ट्रीय क्रिकेटींतल्यान निवृत्ती घेतिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
