भांगरभूंय | प्रतिनिधी
भांगरभूंय । प्रतिनिधी
वास्कोः ग्रूप डेल्टाच्या पालवान जेटी हांगच्या आदर्श स्पोर्ट्स अँण्ड कल्चरल क्लबान आयोजीत केल्ले चवथे आदर्श करंड टॅनीस बॉल क्रिकेट सर्तींत डेल्टा ऑफिसर पंगड जैतिवंत थारलो.
बायणा हांगच्या एमपीटी मैदानार जाल्ले फायनलींत डेल्टान आदर्श सोर्ट्स क्लबाच्या पंगडाक 7 विकेटींनी हारयलें. पयलीं बॅटींग करून आदर्शना 8 ओव्हरींत 6 आवट 63 धांवड्यो केल्यो. तांच्या कृष्णकांत केरकारान 21 नितेश परबान 21 धांवड्यो केल्यो. सर्वेश मोरजकारान 2 जाल्यार रोहन दाभोलकार, राघोबा कोटकारान दरेकी एक विकेट घेतली.
डेल्टा ऑफिसरान 7 विकेटींनी जैत मेळयलें. तांच्या मनोज मयेकारान 24, सर्वेश मोरजकारान 11, सागळ म्हावळणकारान 10 आनी राघोबा कोटकारान 8 धांवड्यो केल्यो. कृष्णकांत केरकार, संजय मांजरेकार आनी नितेश परबान दरेकी एक विकेट घेतली.
इनाम भेटवण कार्यावळीक मुखेल सोयरो म्हणून ज्येश्ठ नागरीक तुळशीदास नार्वेकार हाजीर आशिल्ले. मयुर पार्सेकार, विजय पाल, ग्रूप डेल्टाचो उपाध्यक्ष राघोबा कोटकार ह्या वेळार हाजीर आशिल्लो. ज्येश्ठ खेळगडो भालचंद्र पेडणेकाराक खासा इनाम दिलें. मनोज मयेकार मॅन ऑफ दी सिरिज थारलो. संजय मांजरेकार (बॉलर), प्रसाद मयेराक (बॅटिंग) हांका वैयक्तीक इनामां फावो जालीं. ह्या वेळार राज्यांत जाल्ले शिगमो रोमटांमेळ सर्तींत वांटेकार जाल्ल्या वास्कोच्या फिटनेस फट्रस बायल रोमटामेळांतल्या वांगड्यांचो भोवमान केलो. सूत्रसंचालन सुदाम सैल हाणे केलें जाल्यार राघोबा कोटकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
