भांगरभूंय | प्रतिनिधी
भांगरभूंय । प्रतिनिधी
दिवचलः दत्तवाडी साखळी हांगच्या पुला वयल्यान साखळेचे एक जाण्टे बायलेन वाळवंटी न्हंयेत उडी मारून आत्महत्या करपाचो यत्न केलो. मात उदकांत पडल्या उपरांत खोल उदकांत पडनास्तना फातराळ वाठारांत पडली. उपरांत ती एका फातरार बसली आनी दिवचलच्या उजो पालोवपी दलाच्या जवानांनी तिका देगेर हाडली.
बुधवारा सांजे 6.30च्या सुमाराक ही घडणूक जाली. आलेक्सिया लोबो (65) अशें हें बायलेचें नांव आसा. पणजेच्या पुलीस नियंत्रण कक्षाक बायलेन न्हंयेत उडी मारिल्ल्याची म्हायती दितगीर ताणी दिवचलच्या उजो पालोवपी दलाक म्हायती दिली. बायलेक वाटावपाच्या कामांत दिवचल उजो पालोवपी दलाच्या विठ्ठल गांवकार, विठ्ठल गाड, रुपेश पळ, हर्षद सावंत, गौरेश गांवस, विष्णू राणे, अनुप नायक हांणी वांटो घेतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
