भांगरभूंय | प्रतिनिधी
एनसीईआरटीन समाजीक विज्ञानांते नवो विभाग जोडलो
नवी दिल्ली: नॅशनल काव्नसील ऑफ एज्युकेशनल रिसर्च अँड ट्रेनिंगान आठवेच्या नव्या समाजीक विज्ञान पाठ्यपुस्तकांत न्यायवेवस्थेंतल्या भ्रश्टाचाराचेर एक विभाग सुरू केलो. आठवेचे विद्यार्थी पयलेच फावट न्यायवेवस्थेंतलो भ्रश्टाचार म्हळ्यार कितें, हे विशीं शिकतलीं.
ह्या प्रकरणांत सर्वोच्च न्यायालयांतले ८१ हजार, उच्च न्यायालयांतले ६२ लाख ४० हजार, जिल्लो आनी दुय्यम न्यायालयांतले ४ कोटी ७० लाख प्रलंबीत खटल्यांची संख्याय नमूद केल्या.
फाटले आवृत्तीचे तुळेंत हो एक व्हड बदल. फाटल्या प्रकरणांत न्यायालयाची रचणूक आनी भुमिका हाचेर अदीक लक्ष केंद्रत केल्लें. बदलिल्ल्या प्रकरणाचें नांव ‘आपल्या समाजांत न्यायवेवस्थेची भुमिका’ अशें आसा.
हातूंत न्यायालयाचो पदानुक्रम आनी न्याया मेरेन पोच स्पश्ट करपाचे सुवातेर न्यायवेवस्थे सामकार येवपी आव्हानांचेर, जसो भ्रश्टाचार आनी खटल्यांचो बॅकलॉग, हाचेर भर दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
