भांगरभूंय | प्रतिनिधी
नवी दिल्ली, खबरां संस्था ः हाचे फुडें हॉटेलां आनी विमानतळ सारकिल्ल्या सुवातींनी तुमची वळख सिध्द करपा खातीर आधार कार्ड वा फोटोकॉपी दिवपाची गरज पडची ना. केंद्रीय मंत्री अश्विनी वैष्णव हांणी नवो आधार ॲप लाँच केलां, जाचे वरवीं वापरप्यांक आपली वळख डिजिटल पद्दतीन करपाक मेळटली. हो ॲप गूगल प्ले स्टोराचेर आधारफेसआरडी (AadharFaceRD) ह्या नांवान लाँच केलां.
ह्या ॲपांत फेस आयडी आनी क्यूआर कोड सारकिलीं खाशेलपणां आसात, जाचे वरवीं वापरप्यांक यूपीआय पेमेंट प्रमाण हॉटेल वा विमानतळार क्यूआर कोड स्कॅन करून आधार कार्डाची म्हायती शेअर करपाक मेळटली. हाचे वांगडाच वापरप्यांक ॲपा वरवीं आधाराचो तपशील (देखीक फकत आधार क्रमांक, पत्तो, आनी फोटो) खंयचो शेअर करचो हाचेरय नियंत्रण दवरपाक मेळटलें.
अशे तरेन ॲपा वरवीं वळख तपासतलें –
० वापरपी ॲप उगडटलो आनी सत्यापनाचो क्यूआर कोड (देखीक विमानतळ वा हॉटेल) स्कॅन करतलो.
० मागीर तुमकां खंयची म्हायती शेअर करपाची आसा तें (देखीक आधार नंबर, नांव, जल्म तारीख, पत्तो) ॲप तुमकां विचारतलो.
० परवानगी दिले उपरांत तुमचो फेस ॲपाचेर स्कॅन जातलो.
० मागीर तुमचो डेटा निमाण्या पांवड्यार सत्यापीत जातलो.
० हाचे वरवीं वापरप्यांची म्हायती शेअर करतले.
वापरप्यांची वैयक्तीक म्हायती 100% सुरक्षीत
हो नवो ॲप युआयडीएआय (UIDAI) कडल्यान पुरायपणान डिजिटल सुरक्षीत केला. ताचो इंटरफेस ऑपरेट करप सोंपें आसा. ॲपांत डेटा संरक्षणाचेर काम केलां. बोगस दस्तावेज आडावपाक आनी डेटा लीक जावपा पासून राखण दिवपाक तातूंत जायतीं खाशेलपणां दितले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
