भांगरभूंय | प्रतिनिधी
नवें गॅस सिलिंडर कनेक्शन जाय? पूण गॅस एजन्सीन वचपाक वेळ ना? तर आयज आमी तुमकां सांगतलीं घरांत ऑनलायन गॅस सिलिंडर कनेक्शन तुमकां कशें मेळूं येता. इन्स्टंट मेसेजिंग ऍप Whatsapp तुमकां गॅस सिलींडर बूक करुन दिता आनी नवें कनेक्शन मेळोवन दिता.
नवें गॅस सिलिंडर कनॅक्शन
हे खातीर पयलीं तुमचो व्हॉट्सऍप ऍप उगडात.
Indane Gas च्या व्हॉट्सऍप नंबर ७५८८८८८८२४ चेर वचात.
ते उपरांत ‘निव कनॅक्शन’ बरोवन धाडात.
तुमकां जाप मेळटली, तातूंत तुमकां तुमचें नांव, पत्तो, संपर्क क्रमांक आनी हेर गरजेचे तपशील भरचे पडटले.
गरजेची सगळी म्हायती भरून ‘सबमीट’ पर्यायाचेर क्लिक करात. हाचे उपरांत तुमकां व्हेरिफिकेशन कोड मेळटलो.
हांगा कोड घालात आनी सबमीट क्लिक करात, नव्या कनेक्शनाची विनंती सबमीट करतले.
तुमचे मागणेचो नियाळ जातलो, मान्य केल्यार तुमकां कॉल मेळटलो. कॉलाचेर तुमकां गॅस जोडणी शुल्क भरपाक सांगतले. फारीक केल्या उपरांत गॅस सिलेंडर आनी हेर वस्तू तुमकां धाडटले.
नव्या कनेक्शना खातीर हीं कागदपत्रां गरजेचीं
व्हॉट्सऍपा वरवीं नवें गॅस सिलिंडर कनेक्शन मेळोवपा खातीर तुमचे कडेन तुमचें आधार कार्ड वा हेर खंयचोय वैध वळख पुरावो, तुमचें रेशन कार्ड आनी पासपोर्ट आकाराचो फोटो आसपाक जाय.
लक्षांत दवरात, व्हॉट्सऍपा वरवीं नवे गॅस सिलिंडर कनेक्शन मेळोवपा खातीर तुमचो मोबायल नंबर तुमकां गॅस कनेक्शन मेळोवपाक जाय त्या राज्यांत नोंदणी केल्लो आसपाक जाय.
सिलींडर बूक करपाक हे स्टॅप्स फॉलो करात
भारतीय गिरायकांनी व्हॉट्सऍपा वरवीं एलपीजी सिलिंडर बुक करपा खातीर हीं स्टॅपां फॉलो करचीं. तुमी इंडियन गिरायक आसल्यार ह्या नव्या नंबराचेर ७७१८९५५५५५ फोन करून एलपीजी सिलिंडर बुक करपाक शकतात. तशेंच व्हॉट्सऍपा वरवीं बुकींग करपाक मेळटा. व्हॉट्सऍपाचेर REFILL टायप करून ७५८८८८८८२४ ह्या नंबराचेर धाडात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
