भांगरभूंय | प्रतिनिधी
आधार कार्ड हो एक म्हत्वाचो दस्तावेज. अशे परिस्थितींत आधार कार्ड ना वा ते इबाडलें जाल्यार लोकांचीं जायतीं म्हत्वाचीं कामां थांबूंक शकतात. हाका लागून आधार जारी करपी संस्था युनिक आयडेंटिफिकेशन अॅथॉरिटी ऑफ इंडिया (यूआयडीएआय) लोकांक पीव्हीसी आधार ऑनलायन ऑर्डर करपाक परवानगी दिता. फकत 50 रुपया शुल्क भरून युआयडीएआयच्या अधिकृत संकेतथळा वयल्यान हें कार्ड ऑर्डर करूं येता.
पॉलिव्हिनाइल क्लोराईड कार्डाक पीव्हीसी कार्ड अशें म्हण्टात. ते एक प्रकारचे प्लास्टीक कार्ड, जाचेर आधार कार्डाची म्हायती छापतात. युआयडीएआयच्या म्हणण्या प्रमाण ह्या कार्डांत सुरक्षीत क्यूआर कोड, होलोग्राम, मायक्रो मजकूर, कार्ड जारी करपाची तारीख आनी छापपाची तारीख आनी हेर म्हायती आसता. हें कार्ड तुमच्या एटीएम वा डेबिट कार्डा प्रमाण तुमी तुमच्या वांगडा दवरुंक शकतात.
पीव्हीसी आधार कार्ड कशे ऑर्डर करचे
१. हाचे खातीर तुमकां यूआयडीएआय संकेतथळार ऑनलायन अर्ज करचो पडटलो.
२. उपरांत 12 अंकांचो आधार क्रमांक घालचो पडटलो.
३. हाचे उपरांत तुमकां सुरक्षा कोड वा कॅप्चा घालचो पडटा.
४. ओटीपी खातीर ओटीपी सेंड हाचेर क्लिक करात.
५. हाचे उपरांत नोंदणीकृत मोबायलाचेर मेळिल्लो ओटीपी दिल्ल्या रिकाम्या जाग्यार भरून सबमिट करात.
६. हाचे उपरांत ‘माय आधार’ विभागांत वचून ‘ऑर्डर आधार पीव्हीसी कार्ड’ हाचेर क्लिक करात.
७. ते उपरांत तुमकां तुमची म्हायती हांगा दिसतली. मागीर फुडलो (Next) पर्यायचेर क्लिक करात.
८. हाचे उपरांत तुमकां सकयल दिल्ल्या पेमेंट पर्यायाचेर क्लिक करचें पडटलें.
९. थंय तुमकां क्रेडीट/डेबिट कार्ड, नेट बँकिंग आनी यूपीआयचे पर्याय मेळटले.
१०. हाचे उपरांत तुमकां 50 रुपया शुल्क जमा करचें पडटलें.
११. पेमेंट पुराय केल्या उपरांत तुमची आधार पीव्हीसी कार्ड ऑर्डर प्रक्रिया पुराय जातली.
१२. ही प्रक्रिया पुराय जातकच युआयडीएआय 5 दिसां भितर आधार छापून इंडिया पोस्टाक दितले.
१३. हाचे उपरांत टपाल खातें स्पीड पोस्टा वरवीं तुमच्या घरांत पावयतलें.
आधार 3 फॉरमॅटांत येता
आधार कार्ड सध्या 3 फॉरमॅटांत उपलब्ध आसा – आधार पत्र, ई-आधार आनी पीव्हीसी कार्ड. युआयडीएआयच्या म्हणण्या प्रमाण बाजारांत तयार केल्ले पीव्हीसी कार्डां वैध ना. ऑक्टोबरांत पॉलिव्हिनाईल क्लोराईड (पीव्हीसी) कार्डाचेर आधार कार्ड परतून छापपाची सुविधा हालींच युआयडीएआयन उपलब्ध करून दिल्या
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
