भांगरभूंय | प्रतिनिधी
नवी दिल्ली, खबरां संस्था ः आतां नागरिकांक सोशल मिडिया कंपनीं आड एफआयआर नोंद करपाक मेळटली. डीप फेक सारकिल्ल्या आक्षेपार्ह सामुग्रीचे बळी पडल्यार, आयटी नेमाचें उल्लंघन केल्ल्यान सोशल मिडिया प्लॅटफॉर्मांचेर एफआयआर दाखल करपाक सरकार लोकांक मजत करतलें.
इलॅक्ट्रॉनिक्स आनी आयटी राज्यमंत्री राजीव चंद्रशेखरान सांगलें, इलॅक्ट्रॉनिक्स आनी म्हायती तंत्रज्ञान मंत्रालय (Meity) एक प्लॅटफॉर्म तयार करतलें. ताचेर वापरप्यांक सोशल मिडिया प्लॅटफॉर्मांतल्यान आयटी नेमाचें उल्लंघन जाल्ल्याची कागाळ करुंक शकतात.
आयच्यान आयटी नेमाचें उल्लंघन करपाचेर शून्य सहनशीलताय Meity वापरप्यांक आयटी नेमाचें उल्लंघन केल्ल्याची कागाळ आनी एफआयआर दाखल करपाक मजत करतले. आयच्यान आयटी नेमाचें उल्लंघन केल्यार सोंसचे नात, अशें राजीव चंद्रशेखर हांणी म्हणलें.
मदल्या मनशा आड एफआयआर दाखल करतले आनी तांणी सामुग्री खंयच्यान आयल्या हाचो तपशील उक्तो केलो जाल्यार मागीर सामुग्री पोस्ट केल्ल्या संस्थे आड एफआयआर दाखल करतले.
सोशल मिडिया प्लॅटफॉर्मांक आपलीं ‘टर्म्स ऑफ यूज’ संरेखित करपा खातीर सात दीस दिल्यात अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
