भांगरभूंय | प्रतिनिधी
मुंबय, खबरां संस्था ः रिझर्व्ह बँक ऑफ इंडिया म्हळ्यार आरबीआयन चेक क्लियरिंग सायकल T+1 दिसां वयल्यान कांय वरां मेरेन उणी करपाचो प्रस्ताव मांडला. गव्हर्नर शक्तिकांत दास हांणी 8 ऑगस्टाक चलन धोरण समितीच्या निवेदना वेळार ही म्हायती दिल्या.सध्या चेक क्लियरिंगाक कामकाजाचे दोन दीस लागतात. चेक ट्रंकेशन सिस्टमांत चेक स्कॅन करतात उपरांत सादर करतात आनी मागीर तो पास करतात. हे नवे पद्दती संबंदी आरबीआय बेगीनूच सविस्तर मार्गदर्शक तत्वां जारी करतले.
खातेंधारकांक कांय वरां भितर मेळटले पयशे
सेगीत क्लियरिंग केल्यार चेक वेव्हाराची कार्यक्षमताय वाडटली अशी अपेक्षा आसा. खातें धारकांक कांय वरां भितर पयशे मेळटले म्हणून गिरायकांचो अणभवय सुदारतलो. ह्या बदलाक लागून चेक आदारीत वेव्हारा कडेन संबंदीत आशिल्ली अनिश्चितताय उणी जातली अशी अपेक्षा आसा.
चेक ट्रंकेशन सिस्टम म्हणल्यार कितें?
चेक ट्रंकेशन सिस्टम ही चेक क्लियर करपाची प्रक्रिया. हातूंत जारी केल्लो भौतिक धनादेश एका सुवातेर सावन दुसरे सुवातेर वचपाची गरज ना, जाल्यार धनादेशाचो फोटो काडून तो क्लिअर करुं येता. पोरणें पद्दतींत चेक बँकेंतल्यान बँकेच्या शाखेंत धाडतात. देखून क्लियर करपाक वेळ लागता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
