आतां रिणकारांक कांय प्रमाणांत थाकाय
भांगरभूंय | प्रतिनिधी
आरबीआय कडल्यान नवें पतधोरण जाहीर
भांगरभूंय । खबरां संस्था
नवी दिल्ली : रिझर्व्ह बँकेन (आरबीआय) सध्याचे म्हारगायेंतल्यान सामान्य मनशांक कांय प्रमाणांत थाकाय दिला. घराच्या रिणा खातीर ईएमआयचो हप्तो वाडपाचो आसलो. पूण, रेपो रेट तसोच दवरिलल्यान तो वाडचो ना.
आरबीआयन आपलें ऑगस्ट 2023 चें अर्थीक धोरण जाहीर केलें. रेपो दरांतली वाड ‘पॉज मोडां’त दवरपाची आशिल्ली. आरबीआयच्या पतधोरणांत जाहीर जाल्ल्या निर्णया प्रमाण व्याजदरांत कसलेच तरेची वाड जावंक ना. ताका लागून रिणकारां मदीं खोशयेचें वातावरण पातळ्ळां.
- रेपो दर 6.5% चेर
आरबीआयन अंदूं फेब्रुवारी 2023 सावन रेपो दरांत बदल करूंक ना. तो 6.5% चेर स्थीर दवरला. म्हारगाय नियंत्रणांत दवरपा खातीर फाटल्या वर्सा मे 2022 सावन रेपो दरांत वाड करपाक सुरवात केली आनी ती वाडपाची प्रक्रिया फेब्रुवारी 2023 मेरेन चालूच उरली.
- रिणाच्या ईएमआयचेर परिणाम
मे 2022 सावन, रिझर्व्ह बँकेन रेपो रेट 250 बेस पॉयंट्सांनी वाडयल्लो. 9 म्हयन्यां पसून तो वाडतूच गेलो. उपरांत पॉलिसी 4 टक्क्यां वयल्यान 6.5 टक्क्यां मेरेन वाडली. रेपो रेट उणो जाल्ल्यान रिणाचो ईएमआय उणो जाता. जाल्यार रेपो रेट वाडिल्ल्यान ईएमआय वाडटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
