भांगरभूंय | प्रतिनिधी
नवी दिल्ली, खबरां संस्था: फाटल्या कांय दिसां सावन एका फाटल्यान एक डीपफेक व्हिडियो येवपाक लागल्यात. कांय दिसां फाटीं दक्षीण अभिनेत्री रश्मिका मंदाना आनी बॉलिवूड अभिनेत्री कॅटरिना कैफ हांचो डीपफेक व्हिडियो व्हायरल जालो.
आतां उद्देजक रतन टाटाचो डीपफेक व्हिडियो सोशल मिडियाचेर आयला. ह्या व्हायरल व्हिडियोंत रतन टाटा ऑनलायन सट्ट्याच्या प्रशिक्षकाक मान्यताय दितना दिसता. तशेंच आमीर खान नांवाच्या मनशाच्या टेलिग्राम चॅनलाचेर कनॅक्ट जावचें असो उलो मारतना दिसता.
ह्या अहवाला प्रमाण ह्या फेक व्हिडियोंत रतन टाटा म्हणटा, दर खेपे लोक म्हाका विचारतात, तुमी गिरेस्त कशे जाले? तर म्हजो इश्ट आमिर खान हांचे विशीं हांव तुमकां सांगपाक सोदतां. भारतांतल्या जायत्या जाणांनी एव्हिएटर खेळून लाखांनी रुपया मेळयल्यात. ताचे प्रोग्रामर, विश्लेशक आनी कृत्रीम बुध्दीमत्तेचे उपकार. हातूंत जिखपाची ९० टक्क्यां परस चड शक्यताय आसा.
रतन टाटा सारक्या आदरणीय वेवसायिकाचो डीपफेक व्हिडियो तयार करून चुकीचो असो प्रकार करप म्हणल्यार डीपफेड व्हिडियो अर्थीक फटवणूक आनी घोटाळ्या खातीर कशे वापरूं येता हें उक्ताडार आयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
