भांगरभूंय | प्रतिनिधी
नवी दिल्ली, खबरां संस्था ः किरकोळ बाजारांत बनावट उत्पादनांची वळख करून तांची विक्री थांबवपा खातीर सरकार नवी सर्व्हिलांस सिस्टम तयार करता. किरकोळ बाजारांतलें ज्या उत्पादना खातीर परवानो घेतला तेंच उत्पादन ती तयार करता काय ना हाची तपासणी जातली. थारायिल्ल्या मानकांत आनी गुणवत्तेंत कसलेंय व्यत्यय आयल्यार कंपनीचो परवानो रद्द करूं येता आनी चड दंड लागू करूं येता. बनावट उत्पादनांची वळख करपा खातीर भारतीय मानक ब्युरोचे (बीआयएस ) शास्त्रज्ञ आनी सरकारी अधिकारी उत्पादन किरकोळ बाजारांत आयले उपरांत देशभरांतल्यान नमुने एकठांय करतले.
देशांत सर्व्हिलान्स सिस्टिम ना
कंपनींक दरेका उत्पादनाक परवानो घेवचो पडटा, पूण बीआयएस आनी एफएसएसएआय सारकिल्या एजन्सीं कडेन कंपनीन ज्या उत्पादना खातीर परवानो घेतला तेंच उत्पादन ती तयार करता काय ना तें तपासपाची घटमूट यंत्रणा ना.
चांचणी लॅब आनी तज्ञांचो आंकडो वाडटलो
उत्पादनांच्या नमुन्यांची चांचणी करपा खातीर प्रयोगशाळा वाडयतले अशें सरकारी अधिकाऱ्यांनी सांगलें. नमुने एकठांय करपा खातीर आनी चांचणी करपा खातीर आनीक तज्ञांची नेमणूक करतले. किरकोळ बाजारांक बनावट उत्पादनां पसून पुरायपणान मेकळें करप हो ताचो हेत जावन आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
