भांगरभूंय | प्रतिनिधी
नवी दिल्ली, खबरां संस्था ः ई-कॉमर्स संकेतथळ फ्लिपकार्टान युनिफायड पेमेंट इंटरफेस म्हळ्यार यूपीआय सेवा सुरू केल्या. हाचे वरवीं वापरप्यांक क्यूआर कोडाच्या आदारान पेमेंट करपाक मेळटलो, वीज बिलां फारीक करपाक मेळटली, पयशे ट्रान्सफर करप आनी मोबायल रिचार्ज सारकिल्ल्या डिजिटल सेवांचो लाव घेवपाक मेळटलो. हाचे वांगडाच कंपनी पयल्या ऑर्डराचेर ₹ 25 सवलतय दिता.
हे खातीर कंपनीन एक्सिस बँके कडेन कबलात केल्या. कंपनीचे मुखेल कॉर्पोरेट अफेयर्स अधिकारी रजनीश कुमार हांणी ही म्हायती दिल्या. रजनीश हांच्या म्हणण्या प्रमाण कंपनीच्या स्वताच्या यूपीआयचो थेट फायदो तांच्या 50 कोटी नोंदणीकृत गिरायकांक आनी 14 लाख विक्रेत्यांक जातलो.
अशे तरेन फ्लिपकार्ट यूपीआय सक्रिय जातलो…
० पयलीं तुमच्या स्मार्टफोनाचेर फ्लिपकार्ट अॅप उगडात.
० ते उपरांत ‘स्कॅन आनी पे’ पर्यायाचेर क्लिक करात.
० मागीर ‘माय यूपीआय’ पर्याय निवडटात.
० हाचे उपरांत तुमचें बँकेचें नांव निवडात.
० उपरांत तुमचो बँकेचो तपशील घालात.
० मागीर तुमच्या तपशीलांचें एसएमएस व्हेरिफिकेशन जातलें.
० हाचे उपरांत तुमचो फ्लिपकार्ट यूपीआय सक्रिय जातलो.
हाचे वांगडाच पेटीएम, फोनपे, गूगल पे आनी अमेझॉन पे सारकिल्या हेर तिसऱ्या पक्षाच्या यूपीआय अॅपांचेर आदारून रावप उणें जातलें. तुमी तें RuPay क्रेडीट कार्डा कडेनय लिंक करुंक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
