भांगरभूंय | प्रतिनिधी
म्हत्वाची फायल, घेतिल्ले फोटो, चड एमबीचे व्हिडियो कशे शेअर करचे असो प्रस्न जायत्या जाणांक पडटा. स्मार्टफोनांत फायल्स वा फोटो शेअर करपाक ब्लूटूथ हो एक पर्याय आसा, पूण ब्लूटूथ वरवीं शेअर करप कठीण आसा आनी वेळय चड लागता. पूण आतां तुमी Quick Share च्या आदारान सहजपणान शेअर करपाक शकता.
वर्साचे सुरवेक गुगलान आपल्या ‘निअर बाय शेअर’ (Nearby Share) खाशेलपणाचें नांव बदलून ‘क्विक शेअर’ (Quick Share) अशें केलें. हें खाशेलपण Windows, ChromeOS आनी Android डिव्हायसांचेर उपलब्ध आसा. हें खाशेलपण वापरप्यांक फोन, डेस्कटॉप, टॅबलेटांतल्यान फोटो, व्हिडियो, फायल्य रोखडेच शेअर करपाक मजत करता. विशेश म्हळ्यार हें खाशेलपण इंटरनॅट नासतना लेगीत काम करता.
तुमच्या Android डिव्हायसाचेर Quick Share सोदपाक, तुमच्या फोनाच्या सेटिंग्जांत वचात. मागीर सकयल स्क्रोल करात वा सर्च बारांत वचून ‘quick share’ टायप करून सोद घेयात, तुमकां हें खाशेलपण दिसतलें.
Android डिव्हायसांचेर Quick Share कशें वापरचे…
१. क्विक शेअर वापरून जी फायल्स, फोटो, व्हिडियो धाडपाक जाय ती ओपन करात आनी शेअर बटणाचेर क्लिक करात.
२. आतां ‘Quick Share’ पर्यायाचेर टॅप करात, तुमकां लागसारच्या डिव्हायसांची वळेरी दिसतली.
३. तुमकां लागसारच्या पर्यायांची वळेरी दिसना जाल्यार, उजवे वटेन आशिल्ल्या तीन डॉट मेनूचेर टॅप करुन सेटिंग्ज चेर क्लिक करात.
४. आतां, ‘Who can share with you’ हाचेर टॅप करात आनी ‘व्हिजीबल निअर बाय डिव्हाइज’ पर्याय चालू करात. हाचे उपरांत तुमचो फोन लागसारच्या डिव्हायसांचो सोद घेवपाक सुरवात करतलो.
५. तुमकां तुमचे फोटो, व्हिडियो, फायल्स ज्या डिव्हायसाचेर शेअर करपाचे आसात ताच्या नांवाचेर क्लिक करात.
६. ते उपरांत फोटो, व्हिडियो मेळोवप्याक तांच्या डिव्हायसाचेर फायल मेळोवपाची अधिसुचोवणी मेळटली आनी फायल थोड्याच वेळान ट्रान्सफर जातली.
देखून अशें तरेन तुमी फायल्स हेर डिव्हायसांचेर मिनटां भितर ट्रान्सफर करूंक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
