आतां फायली आनी ईमेल डेटा सोदप जातले सोंपें, जेमिनी सायड पॅनल जीमेलाचेर सुरू

भांगरभूंय | प्रतिनिधी

कॅलिफोर्नियांत जाल्ल्या गूगलाच्या वर्सुकी डेव्हलपर कॉन्फरन्सांत (गूगल आय/ओ 2024) जेमिनी पॉवर एआयची घोशणा केली. तातूंत गूगलान सांगिल्ले, बेगीनूच जेमिनी 1.5 प्रो-वर्कस्पेसाच्या सायड पॅनलांत उपलब्ध जातलो. देखून आतां जेमिनी सायड पॅनल जीमेलाचेरूय सुरू जालां. डॉक्स, शीट्स, स्लाइड्स आनी ड्रायव्ह सोडल्यार आतां जेमिनी 1.5 जीमेल सायड पॅनल खातीरय उपलब्ध आसतले. ह्या वर्कस्पेसांत फायली वा ईमेल डेटा सोदपाक लागपी वेळ आतां जेमिनी वरवीं उणो जातलो.
ही म्हायती गूगलान आपल्या अधिकृत ब्लॉगांत दिल्या. कॉन्टेक्स्ट विंडो आनी ॲडव्हान्स reasoning हाचे शिवाय Gmail त ईमेल थ्रेडांचो सारांश करपाक, ईमेल थ्रेडांक प्रतिसाद कितें दिवप ते सुचवपाक, ईमेल ड्राफ्ट तयार करपाक आनी तुमच्या इनबॉक्सांत ईमेल गूगल ड्रायव्हांतल्यान फायल सोदपाक लेगीत जेमिनी 1.5 प्रो मॉडेलाचो वापर करुं येता.
जेमिनी ॲक्सेस कशें करतलें?
तुमी वेबचेर जीमेल (Gmail), डॉक्स (Docs), शीट्स (Sheets), स्लाइड्स (Slides) वा ड्राइव्ह वयल्या उजव्या कोनशांतल्या “Ask Gemini” चेर क्लिक करून साइड पॅनलांतल्यान जेमिनीत प्रवेश करपाक शकतात. हें केल्या उपरांत तुमकां जेमिनी दाखोवंक ना जाल्यार ताचे विशीं चड जाणून घेवपा खातीर मजत केंद्राक भेट दिवची पडटली.
तशेंच ईमेल थ्रेड्स सारांश दिवंक शकतात आनी वेबाचेर सायड पॅनलार हायलाइट पळोवंक तुमी Android आनी iOS वापरप्यां खातीर मोबायल ऍप्लिकेशनांत जेमिनीचो वापर करुं शकात. ते भायर स्मार्ट रिप्लाय, जीमेल संबंदीत प्रस्न, जापो, आनी बाजू पॅनल सारकिलीं मोबायल वैशिश्ट्यांय फुडल्या सप्तकांत Google One AI प्रीमियम, जेमिनी बिझनेस आनी एंटरप्रायझ ऍड-ऑन, जेमिनी एज्युकेशन आनी एज्युकेशन प्रीमियम ऍड-ऑन खातीर पुरायपणान सुरू जातलीं.