भांगरभूंय | प्रतिनिधी
नवी दिल्ली, खबरां संस्थाः हालीसराक निपाह, चांदीपुरा आनी झिका व्हायरस देशांतल्या कांय वाठारांनी बरोच पातळ्ळां. तेच वेळार आतां दक्षीण कोरियांत हजारांनी दुयेंतींक लागण जाल्या नोरो व्हायरसान आतां भारतांतूय प्रवेश केलां. ह्या व्हायरसाची लागण जाल्ले दुयेंती हैदराबादांत सांपडल्यात. खास करून हैदराबादच्या पोरणें वाठारांत दर दिसा शंबरां परस चड दुयेंती सांपडल्यांत. तांतूतल्या कांय दुयेंतींची भलायकी गंभीर आसा.
नोरो व्हायरस हो संसर्गजन्य व्हायरस. सादारणपणान ताका ‘पोटाचो बग’ वा ‘पोटाचो ताप’ अशें म्हण्टात. हो व्हायरस वैजकी मळार 1929 सावन आसा. 1968 वर्सा अमेरिकेंतल्या नॉर्वोक हांगा जाल्ल्या स्फोटाक लागून हें नांव पडलां. नोरो व्हायरस खंयच्याय पिरायेच्या लोकांक जावं येता. नोरो व्हायरस आशिल्लो दुयेंती दुयेंसांतल्यान बरे जाले उपरांत लेगीत कितलेशेच दीस विषाणू वाहक उरूंक शकता. सध्या ह्या व्हायरसाचेर थेट लस वा वखद उपलब्ध ना. नोरो व्हायरस हो सतत बदलपी व्हायरसांचो एक गट.
नोरो व्हायरसाचीं लक्षणां
अशी घेयात जतनाय
नोरो व्हायरसाची लागण जावची न्हय म्हूण हात निवळ धुवचें. जेवण बरें शिजोवंक जाय. कारण नोरो व्हायरस 63 अंश सेल्सियस तापमानांत लेगीत तिगून उरता. फळां आनी भाजयो बऱ्यो धुवच्यो. दुयेंत लोकांनी रांदप वा दुसऱ्यांची जतनाय घेवप टाळचें. निवळ उदक भरपूर पियेवप हो सगळ्यांत बरो उपाय.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
