भांगरभूंय | प्रतिनिधी
नवी दिल्ली, खबरां संस्था : आतां दरेका नव्या स्मार्टफोनांत ‘संचार साथी’ हें सायबर सुरक्षा ॲप प्री-इन्स्टॉल (पयलींच डावनलोड केल्लें) मेळटलें. केंद्र सरकारान स्मार्टफोन कंपन्यांक आदेश दिल्ले प्रमाण, कंपन्यांनी स्मार्टफोनांत डिलीट करपाक मेळना असो सरकारी सायबर सेफ्टी ॲप पयलींच इन्स्टॉल करून विकचें.
हो आदेश आयज भायर सरला. हातूंत ॲपल, सॅमसंग, विवो, ओप्पो आनी शाओमी सारकिल्ल्या कंपन्यांक ९० दिसांचो काळ दिला. हें ॲप मोबायल वापरपी डिलीट वा डिसेबल करपाक शकचे नात. पोरण्या फोनाचेर सॉफ्टवेअर अपडेटा वरवीं हें ॲप इन्स्टॉल करतले.
तशेंच, हो आदेश सध्या भौशीक करूंक ना. कांय मेजक्याच कंपन्यांक खासगी तरेन हो आदेश धाडला. हाचो हेतू सायबर फटींगपणां, बनावट IMEI नंबर आनी फोन चोरी जावपा पसून आडावप आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
