भांगरभूंय | प्रतिनिधी
नवी दिल्ली, खबरां संस्थाः देशांत 2011 ते 2024 ह्या काळांत खावपाच्यो सवयी नेटान बदलल्यात. आतां लोक व्हडा प्रमाणांत अन्न पदार्थांचे सेवन करतात. गरीब लोकां मदीं लेगीत दूद-डेअरी पदार्थ, फळां, तांतयां- नुस्तें- मांस सारकिल्ल्या पोशक पदार्थांचो वापर वाडला. युरोपीयन जर्नल ऑफ क्लिनिकल न्यूट्रीशन – 2026 च्या घरगुती उपभोग खर्च सर्वेक्षणाचो हो अहवाल आसा.
गांवगिऱ्या वाठारांतल्या लोकांचो खावपाचो खर्च पयलीं परस चड वाडलो
सरासरी घरगुती खर्च – गांवगिरो, शारी
2011-2012 वर्सा 7,531 (गांवगिरो), 11,950 (शारी)
2023-2024 वर्सा 20,689 (गांवगिरो), 29,510 (शारी)
एनएफएसए (NFSA) आनी पीएमजीकेएव्हाय (PMGKAY) ह्या येवजण्यांक लागून गरीबांक फुकट अन्नधान्य मेळ्ळे. ताका लागून धान्य सांठो करपावेलो खर्च लोकांक हेर खाद्यपदार्थांचेर वाडोवंक मेळ्ळो.
पोशण आहारांतय बदल
(गांवगिरो-शारी वाठारांत असमानताय उणी जाली)
० फळांचो वापर वाडलो- गांवांनी फळां खावपी लोकांचो वांटो 68% वयल्यान 93% जालो.
० सरासरी म्हयन्याचो वापर 1.69 वयल्यान 2.35 किलो मेरेन वाडलो.
तांतयां-नुस्तें-मांस
० गांवगिऱ्यांतल्या गरीब घरां मदीं 45% वयल्यान 72% मेरेन वाडले.
० शारांतल्या गरीब घरां मदीं 57% वयल्यान 76% मेरेन वाडले.
० असमानताय 3.0 वयल्यान 1.8 मेरेन उणी जाली.
दाळ – सगळ्या वर्गांत वापर स्थीर उरलो.
भाजी – भाजयांच्या सेवनांत मात्शी सुदारणा दिसून आयली.
दुदाचे पदार्थ – गांवगिऱ्या वाठारांनी 95% मेरेन पावले.
सूक्ष्म पोशक तत्वांचो उणाव
० लोखण, जस्त, कॅल्शियम आनी व्हिटॅमिन बी हांचे सेवन सरासरी परस उणे आसा. सरासरी लोखणाचें प्रमाण 11.11 मिग्रॅ/ दीस आसता. बायलांक 15 मिग्रॅ/ दिसाक जाय पडटा.
० लोखणाच्या उणावाचो धोको 69.2% अदमास केला, म्हणल्यार 10 मदल्या सुमार 7 जाणांक उणाव जावपाची शक्यताय आसा.
० 40- 60% लोखण, फोलेट, जस्त आनी बी-व्हिटॅमिन अजूनय कड्डणां पसून मेळटात.
० राजस्थानांत 80% लोखणाचे सेवन कड्डणां वरवीं जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
