भांगरभूंय | प्रतिनिधी
गुगलाचें नवें खाशेलपण
न्यूयाॅर्क, खबरां संस्था ः गुगलान जी-बोर्डांत नवें खाशेलपण सुरू केलां. कांय वर्सां आदीं गुगलान अँड्रॉइड वापरप्यां खातीर जी-बोर्डांत इमोजी किचन खाशेलपण सुरू केल्लें. आतां वेब आनी आयफोन वापरप्यांकय हें खाशेलपण वापरूं येता आनी स्वताचे इमोजी स्टिकर तयार करपाक मेळटात. गूगल इमोजी किचन वरवीं, तुमी सानुकूल इमोजी तयार करूंक शकतात. हें खाशेलपण गूगल वेब सर्चांचेर उपलब्ध आसा, जें तुमी खंयच्याय डिव्हायसा वयल्यान वापरूं येता.
भारत आनी जपानांत गुगलान जी-बोर्डांत आर्टिफिशियल इंटेलिजन्स जोडल्या, जी वापरप्यांक तांच्या थळाव्या भाशेंत मजकूर आनी व्हिज्युअल दाखयतली. गुगलाच्या म्हणण्या प्रमाण, एआयच्या आदारान वापरप्यांक ल्हान- ल्हान व्हिडियो आनी फोटो दाखयतले. ताच्या आदारान वापरप्यांक विशय समजून घेवप सोंपें जातलें. तशेंच एआयच्या आदारान तुमकां पुराय विशयाचो एक नियाळ मेळटलो. तशेंच तुमकां आनीक शिकपाचें बटण आनी कांय फालोअप प्रस्न मेळटले जशे की – दोंगरांचे वा हेर कित्याचेरय बरें चित्र कशें काडचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
