भांगरभूंय | प्रतिनिधी
डेहरादून, खबरां संस्था ः चारधाम यात्रा 30 एप्रील सावन सुरु जाता. हाचे खातीर आतां हेलिकॉप्टर सेवा सुरू करपाची तयारी सुरु आसा. यमुनोत्री आनी गंगोत्री धामांत हेलीपॅड बांदल्यात, जाल्यार बद्रीनाथांत पयलींच हेलीपॅड आसा. तिनूय नव्या हेलिपॅडांचे सर्वेक्षण आनी सुरक्षेची तपासणी पुराय जाल्या. उत्तराखंडांतल्या केदारनाथ धामाक हेलिकॉप्टर सेवा पयलींच उपलब्ध आशिल्ली.
बद्रीनाथ- केदारनाथ देवूळ समिती आनी हेली शटल सेवा कंपनीं मदीं शुक्रारा जाल्ले बसकेंत ही म्हायती दिली. हो प्रस्ताव उत्तराखंड नागरी विमानन विकास प्राधिकरणाक (युकाडा) धाडलां. ताका दोन दिसांनी मान्यताय मेळटली. हाचे उपरांत भक्तांक चारूय देवळां खातीर हेलिकॉप्टर सेवा बुक करपाक मेळटली. सध्या केदारनाथ धाम खातीर हेलिकॉप्टर सेवा बुकींग 8 एप्रीलाक दनपारां 12 वरांचेर सुरू जातली.
2 मे दिसा केदारनाथ धामाचीं दारां उक्तीं जातलीं. त्याच दिसा गुप्तकाशी, सिरसी आनी फाटा सावन केदारनाथ धामाक हेली सेवा सुरू जातली. युकाडान प्रवास नोंदणीचो डेटा आयआरसीटीसीक धाडला. अंदूं भाडें सुमार 5 टक्क्यांनी वाडलां. शक्य भाडें सिरसीच्यान 6061 रुपया, फाटा 6063 आनी गुप्तकाशीच्यान 8533 रुपया दर प्रवाशाक आसतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
