भांगरभूंय | प्रतिनिधी
अयोध्या, खबरां संस्था: अयोध्येंत २२ जानेवारीक राम मंदिराचो उक्तावण सुवाळो जालो. मजगतीं, आतां दूरदर्शनान एक म्हत्वाची खबर जाहीर केल्या. आतां अयोध्येच्या देवळांत सदांच जावपी श्री रामाचे आरतीचें प्रक्षेपण जातलें.
सोमारा दूरदर्शनान कळयलां कीं, ‘डीडी नॅशनल सदांच सकाळीं ६.३० वरांचेर जावपी राम लल्लाची ‘आरती’ थेट प्रसारीत करतलें.’’
उपरांत मंगळारा सांजवेळार केंद्रीय म्हायती आनी प्रसारण मंत्री अनुराग ठाकुर हांणी सांगलें, ‘भगवान रामाच्या कोटींनी भक्तांची अथांग श्रद्धा मतींत दवरून ही सुविधा दितले. आतां, तुमकां दर दिसा घरांत श्रीरामाचें दर्शन करपाक मेळटलें.’ अशें तांणी म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
