भांगरभूंय | प्रतिनिधी
पणजी : गोंय सरकाराच्या विंगड विंगड खात्यांनी, महामंडळांनी तशेंच सरकारी संस्थांनी कार्यरत आशिल्ल्या कंत्राटी कर्मचार्यांक आतां कर्मचारी भविष्य निर्वाह निधी (ईपीएफ) येवजणेचो लाव मेळटलो. ह्या निर्णयाक लागून राज्यांतल्या हजारांनी कंत्राटी कर्मचार्यांच्या समाजीक आनी अर्थीक सुरक्षिततेक व्हड बळगें मेळ्ळां.
राज्यांतल्या शेतकी, शिक्षण, भलायकी, भौशीक बांदकाम (पीडब्ल्यूडी) तशेंच वीज खात्यांत कंत्राटी कर्मचार्यांचो आंकडो सगल्यांत चड आशिल्ल्यान ह्या सगल्या कर्मचार्यांक ईपीएफ लागू जातलें. दिर्घकाळा सावन कंत्राटी कर्मचार्यांकडल्यान ईपीएफ सारकिल्ल्यो गरजेच्यो सुविधा दिवपाची मागणी जाता. सरकाराच्या ह्या निर्णयाक लागून निवृत्ती उपरांत अर्थीक स्थैर्य मेळपाक मजत जातली आशिल्ल्याचें मत कांय कर्मचार्यांनी उक्तायलें.
सरकारी खात्यांनी कंत्राटी पद्धतीन काम करपी कर्मचार्यां खातीर हो निर्णय इतिहासीक थारपाचो आशिल्ल्यान, तांच्या फुडारांतले सुरक्षिततेचे नदरेन हो एक म्हत्त्वाचो टप्पो मानतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
