भांगरभूंय | प्रतिनिधी
पणजी ः गोंय सरकारान भौशीक बांदकाम खात्याचें (पीडब्ल्यूडी) विभाजन करपाचो निर्णय घेतला आनी उदका पुरवण नांवाचें नवें वेगळें खातें तयार जातले. हाचे फुडें दर दिसा उण्यांत उणें चार वरां गोंयच्या लोकांक उदका पुरवण करपाची जापसालदारकी ह्या खात्या कडेन आसतली अशें मुख्यमंत्री डॉ. प्रमोद सावंत हांणी बुधवारा पर्वरींत जाल्लें कार्यावळींत उलयतना सांगलें.
ह्या म्हत्वाच्या निर्णयांत गोंय सरकारान पीडब्ल्यूडीचे दोन विभाग करपाच्या प्रस्तावाचेर विचार केला. पूण निमाणो निर्णय आजून जावंक ना अशी म्हायती गोवन वर्तान 11 फेब्रुवारीक दिल्ली. ‘पीडब्ल्यूडी’त कामां विभागणी करपाचो प्रस्ताव आसा. पूण आजून निमाणो निर्णय जावंक ना. पूण ह्या खात्याच्या कामांची विभागणी जावंक शकता हें मुख्यमंत्र्यांनी त्या वेळार स्पश्ट केल्लें. उपरांत बुधवारा पर्वरींतल्या कार्यावळींत उलयतना ‘पीडब्ल्यूडी’त विभाजन जावन उदका पुरवण अशें वेगळें खातें आसतलें अशें तांणी सांगलें. दर दिसा उण्यांत उणें चार वरां गोंयच्या लोकांक उदक दिवपाची जापसालदारकी ह्या खात्या कडेन आसतली अशें तांणी स्पश्ट केलें.
मजगतीं, गोंयकारांक 24 वरां उदका पुरवण करप शक्य ना. पूण दिसाक उण्यांत उणें चार वरां उदक दिवपाची वेवस्था जातली अशें आश्वासन मुख्यमंत्र्यांनी कांय दिसा आदीं दिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
