भांगरभूंय | प्रतिनिधी
हालींच्या दिसांनी लग्न जालें काय रोखडींच दोगांय वेगळीं रावतात. दोगूय नोकरेक वचपी आशिल्ल्यान तांकां भुरग्यां कडेन लक्ष दिवपाक वेळ मेळना. मागीर तांकां संस्कार दिवपाक कोण तरी जाय. शारांनी शारिरीक संस्कार मेळटात, पूण मानसीक संस्कारांचें कितें? रासवळ घरां नाशिल्ल्यान आयज घरांत आजो- आजी आसताच अशें ना. काका- काकी तर आसचना. ताका लागून भुरग्यांचेर संस्कार जायनात. तीं स्वताच ते आपणायतात. तेय बी संगतीचेर आदारून. हें पुण्यांतूय आसा. ताका लागून वर्षा मदानेक (लग्ना पयलीचें सुनीता लकडे, बारामती) संस्कार वर्गाची कल्पना सुचली.
तेन्ना कोविडूय आशिल्लो. सुरवात पुण्याकूच जाली. मात हाची लोकप्रीयता देशा भायर लेगीत पावली. आतां तर वर्षाबायक देशाभायरुय वच्चें पडटा. तें सांगता, ‘आयज पालकांक संस्कार कितले गरजेचें आसात, तें सांगपाक नाका. ताका लागून हांव आॅनलायन संस्कार वर्ग घेतां. शिक्षण घेवपाक भुरग्यांक आमी जरुर धाडटात, पूण शाळेंतल्या शिक्षकांक संस्कार वर्ग घेवप शक्य ना. ताचें काम वाडलां.’
वर्षाबायचें शिक्षण गांवांत जालां तरी, लग्न उपरांत तांचो घोव संतोष तशेंच तांचीं भुरगीं हेर भुरग्यांच्या समस्येचेर सदां उलयतालीं. तातूंतल्यानूच ही संस्कार वर्गाची कल्पना आयली. वर्षाबाय वर्गांत योग, प्राणायाम, मेडिटेशन, स्तोत्रां, मंत्र अशें खूब कितें शिकयतात. ताचो आयच्या भुरग्यांक विसर पडला. भुरग्यांक उपेगी पडपी गजाली आमी विसरल्यात. तांचे वर्ग रोखडेच भरतात. आपल्या भुरग्याक वर्गांत घेवचे म्हूण बरेच लोक फाटल्यान लागतात. हाचे वयल्यान तांच्या वर्गाचो दर्जो कळटा. आयज ह्या वर्गाची पुण्यांतूच न्हय, तर देशांत, विदेशांतूय तोखणाय जाता. हांगाचे वर्ग सांबाळून वर्षाबाय विदेशांत वता. ताचो अमेरिका, कॅनडा, आॅस्ट्रेलियांत वर्ग आसा. ह्या देशांतल्या भुरग्यां खातीर 17 जूना सावन वर्ग सुरू जाल्यात. दुबय, मस्कतांतल्या भुरग्यां खातीर सांजवेळार साडेपांचाक तर इंग्लंडांतल्या भुरग्यां खातीर रातच्या साडेणव वरांचेर हे वर्ग चलतात.
सध्या विभक्त कुटुंबांक लागून, मोबायल फोनाक लागून भुरग्यांचेर संस्कार जायनात, अशें सगलेच सांगतात. हाचेर संस्कार वर्गाच्या रुपांत पर्याय निर्माण केला. तेच हे वर्षाबायचे संस्कार वर्ग. वाडदिसाची सुरवात हांगा मेणवात पालोवन करतात. जेवपाक लेगीत काटो, चमचो धेतात. टेबलार बसतात. जेवतना टिव्ही पळोवपाची संवय लागल्या. हाका लागून आमची भलायकी पिड्ड्यार जाता. ‘आमचे संस्कार वर्ग भारतीय संस्कारी जिणेचें शिक्षण दितात. देखीक सूर्य नमस्कार घालप. ताचो भलायकेक खूब फायदो जाता. प्राणायाम, ध्यान अभ्यासा खातीर फायदेशीर. अशे जायते उपक्रम आमच्या वर्गांत सकाळीं भुरगो उठटा. उपरांत कशें वागचें, रातच्या न्हिदपाच्या वेळार भुरग्यांनी कशें वागचें हें आमी वर्गांत आमी शिकयतात. आतां मेरेन आमी बारा हजार भुरग्यांक शिकयल्यात. हांगा चित्रकला, अध्यात्मिक साहित्य, हस्तकला शिकयतात. वर्गाची फी आता 399 रुपया, तर विदेशांतल्या वर्गाची फी आसा 1499 रुपया.’
जर गोंयच्या विद्यार्थ्यांक ह्या संस्कार वर्गाची म्हायती जाय जाल्यार 94031 95118, 96375 50405 हाचेर संपर्क करूं येता. वर्षाबाय देशांत सगले कडेन अशे वर्ग सुरू करपाक सोदता. आॅनलायन वर्ग सुरू करपाचें प्रशिक्षण दिवपाची येवजण आसा. तसो हो विशय आनी चड बरय सारको. आमचीं भुरगीं इबाडल्यांत, तीं जाण्ट्यांक परत्याक परतें सांगतात. व्यायाम करपाक खबर नाशिल्ल्या कारणान तीं आळशी जाल्यांत. भलायकेचे प्रस्न उप्रासतात, हें सगलें सांगपाक जातां. ताचेर फुडें केन्ना तरी.
वता वता ः गोंयांत शाळा मंडळान शिक्षकां खातीर परिक्षा दवरल्या. ती सुरू जाल्या. नव्या धोरणाक लागून ती घेवची पडल्या. मजगतीं, नीट चो निकाल लागलो. गोंयांतल्या मेडिकल, नर्सिंग, अभियांत्रिकी, फार्मसी, पॅरा मेडिकल अभ्यासक्रम ह्या सारक्या 800 सुवातीं खातीर प्रवेश मेळटलो.
प्रा रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
