भांगरभूंय | प्रतिनिधी
वॉशिंगटन, खबरां संस्था: डोनाल्ड ट्रम्प हांणी राष्ट्राध्यक्षपद सांबाळ्ळे उपरांत अवैध स्थलांतरितांक देशा भायर काडपाची मोहीम सुरू केल्ली. भारतांतल्या बेकायदेशीर स्थलांतरितांक घेवन तीन विमानां आयल्यांत. उपरांत मात आता डोनाल्ड ट्रम्प हांणी अमेरिकेचें नागरिकत्व विकत घेवपाक मेळटलें अशी घोशणां केल्या. संवसारांतल्या गिरेस्त लोकांक ५ दशलक्ष डॉलर्स म्हळ्यार सुमार ४३ कोटी रुपया भरून अमेरिकेचें ‘गोल्ड कार्ड’ विकत घेवपाक मेळटालें. आदल्या ग्रीन कार्डाची सुवात आतां गोल्ड कार्ड्स घेतलें. मंगळारा डोनाल्ड ट्रम्प हांणी ही घोशणा केली.
ओव्हल ऑफिसांत पत्रकारां कडेन उलयतना ट्रम्प हांणी म्हणलें, गोल्ड कार्डा वरवीं आदल्या EB-5 (ग्रीन कार्ड) येवजणेची सुवात आतां गोल्ड कार्ड घेतलें. हाचे वरवीं गोल्ड कार्ड घेवप्यांक अमेरिकेचें कायमचें नागरिकत्व दितले. गोल्ड कार्डा वरवीं ग्रीन कार्डा प्रमाणूच लाव मेळटले. हे येवजणेची आनीक म्हायती दोन सप्तकांनी जाहीर करतले. अशेंय तांणी म्हणलें.
गिरेस्त लोक अमेरिकेंत आयल्यार तांचे गिरेस्तकायेंत आनीक वाड जातली. ते आनीक येस्वी जातले. तांकां हांगचें कर भरचें पडटलें. हांगच्या लोकांक रोजगार दिवचो पडटलो, अशेंय डोनाल्ड ट्रम्प हांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
