भांगरभूंय | प्रतिनिधी
आडसराच्या उदकांत जायते पोशक तत्व आसतात जे आमचे भलायके खातीर खूब फायदेशीर थारता. हें एक बरें सैमीक हायड्रेटिंग पेय. चडांत चड लोक ते गिमांच्या दिसांनी पितात. पूण हें उदक फकत गिमांत न्हय तर सगळ्या हंगामांत पियेवंक जाय. कारण आडसराचें उदक फकत हायड्रेट करपाक न्हय तर कुडीक पोशण दिवपाकय बरें आसता.
निरोगी आनी ताजें पेय पियेवपाचें आसल्यार आडसराचें उदक एक बरो पर्याय.
अमेरिकेच्या नॅशनल लायब्ररी ऑफ मेडिसीनांत 2015 वर्सा उजवाडाक आयिल्ल्या एका अभ्यासांत आडसराच्या उदकांतल्यान रगतांतली साकर उणी जावंक शकता अशें दिसून आयलां. हे खातीर गोडेंमूत आशिल्ल्या हुंदरांचेर अभ्यास केल्लो.
नेमान आडसराचें उदक पियेवपाचीं 5 कारणां….
1) काती खातीर फायदेशीर
आडसराचें उदक द्रव पदार्थाचो बरो स्रोत आसून कुडीक हायड्रेटेड दवरपाक मजत करता. तशेंच, अँटी- ऑक्सिडेंट आशिल्ल्यान तुमचें कातीचेर पडपी सुरकुत्यो उणे करपाकय मजत करता. अँटी- ऑक्सिडेंट तुमचे कातीक लुकसाण करिनात. तशेंच तातूंत व्हिटॅमिन सी आनी ई आसता जें कातीक निरोगी दवरता.
2) मूत्रपिंडां पसून सुसेग
मूत्रपिंडां पसून सुशेग मेळोवपाक भरपूर उदक पियेवपाचो सल्लो दोतोर दितात. पूण हाचे वांगडाच थोडें आडसराचें उदकय पियेवचें. कारण ताका लागून मुताची फ्रीक्वेंसी वाडटा आनी फातर तयार करपी खनिजांची निर्मिती उणी जाता. अशे तरेन मूत्रपिंड पसून तुमकां राखण मेळटा.
3) पचन बरें जाता
आडसराच्या उदकांत फायबर भरपूर आसतात. जें पचन बरे करपाक मजत करता. तशेंच पोटाक जावपी जायत्या समस्या पसून सुटका मेळटा.
4) इलेक्ट्रोलाइट समतोल
आडसराचें उदकांत पोटॅशियम, सोडियम आनी मॅग्नेशियम हे म्हत्वाचे इलेक्ट्रोलायट आसतात. देखून कुडीच्या द्रवांचें समतोल दवरपाक आदार मेळटा. भरपूर घाम येवपी लोकांक हें फायदेशीर आसतात.
5) रगतदाबाचें समतोल
आडसराचें उदक रगतदाब उणो करपाक वा समतोल दवरपाक मजत करता. खास करून उच्च रगतदाब आशिल्ल्या लोकांक ते फायदेशीर थारता. पोटॅशियम तत्वांक लागून सोडियमाच्या परिणामांचें समतोल दवरपाक मजत करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
