भांगरभूंय | प्रतिनिधी
लुकसाण भरपाय दिवपाची मोरजेच्या शेतकारांची मागणी
भांगरभूंय । प्रतिनिधी
पेडणें : आडवेळ्या पावसाक लागून मोरजी वाठारांतल्या शेतांचें व्हड प्रमाणांत लुकसाण जालां. खूबश्या वाठारांनी शेतां बुडिल्ल्यान शेतकार अर्थीक संकश्टांत सांपडल्यात. शेतकी खात्यान लुकसाणीची पळोवणी करून बेगिनात बेगीन भरपाय दिवची, अशी मागणी शेतकार यशवंत उर्फ आप्पा शेटगांवकार आनी हेर शेतकारांनी केल्या. दर शेतकार कश्ट करून आनी मेहनत घेवन शेती वेवसाय करता. पेडणें म्हालांतल्या खूबश्या शेतकारांनी आपापल्या शेतांत भात पिका वांगडाच वेगवेगळे प्रयोग करून शेताक प्राधान्य दिल्लें. मोरजी पंचायत वाठारांतलीं खूबशीं शेतां उदका पोंदां गेल्यात आनी तीं कुसल्यांत. हे खातीर शेतकी खात्यान ह्या शेतांक भेट दिवन त्या शेतकारांचें कितलें लुकसाण जालां ताची लुकसाण भरपाय दिवपाची गरज आसा, अशें शेटगांवकार हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
