भांगरभूंय | प्रतिनिधी
मडकय: आडपयचे विलास रंगनाथ नायक हांच्या घरा, फाटलीं 46 वर्सां सरस्वती पुजनाची परंपरा जपतात. काल (सोमारा) सकाळीं 10 वरांचेर श्रींची मुर्ती कवळें सावन हाडून आकाश नायक हांच्या येजमानान पुजेक लायली. दनपारां थळाव्या आरती मंडळान आरती केली. उपरांत तिर्थप्रसाद आनी महाप्रसाद जालो. रातच्या आठ वरांचेर धारगळच्या हेरंब आरती मंडळान आरती केल्यो.
आयज (मंगळारा) सकाळीं नित्य पुजा, दनपारां 12 वरांचेर प्रगती विद्यालय आरती मंडळा वतीन घुमट आरती, तिर्थप्रसाद आनी महाप्रसाद जातलो. सांजवेळा सात वरांचेर दांडिया, उपरांत णव वरांचेर स्वर साई आरती मंडळ म्हापशें वतीन आरती, तिर्थप्रसाद आनी महाप्रसाद जातलो.
बुधवारा सकाळीं नित्य पुजा, दनपारां 12 वरांचेर थळाव्यां कडल्यान आरती, तिर्थप्रसाद आनी महाप्रसाद. रातच्या आठ वरांचेर सांतेरी आरती मंडळ म्हापशें, तिर्थप्रसाद आनी महाप्रसाद.
बिरेस्तार 26 ऑक्टोबराक सकाळीं नित्य पुजा, दनपारां थळाव्या आरती मंडळा वतीन आरती, तिर्थप्रसाद आनी महाप्रसाद. सांजवेळा सात वरांचेर दांडिया ग्रुपा वतीन दांडिया, उपरांत वैराग्य आरती मंडळ मडकय हांची आरती, तिर्थप्रसाद आनी महाप्रसाद जातलो.
शुक्रारा 27 वेर सकाळीं नित्य पुजा. दनपारां थळाव्या आरती मंडळा वतीन आरती, तिर्थप्रसाद आनी महाप्रसाद. सांजवेळा आरती, तिर्थप्रसाद, महाप्रसाद. उपरांत दिंडी पथक बोरी हांचे दिंडीन श्रींची मिरवणूक काडून दुर्भाट फेरीबोट धक्यार जुवारी न्हंयेंत विसर्जन जातलें.
भाविकांनी, बरें मागप्यांनी हेंच आमंत्रण समजून हाजीर रावचें आनी तिर्थप्रसादाचो लाव घेवचो अशें विलास रंगनाथ नायक हांणी आवाहन केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
