भांगरभूंय | प्रतिनिधी
-14 ऑक्टोबराक घेतले सुनावणीपणजी : काँग्रेस फुडारी गिरीश चोडणकार हांणी दाखल केल्ल्या अपात्रताय याचिकेच्या सुनावणे खातीर काँग्रेसींतल्यान भाजपांत आयिल्ल्या आठ आमदारांक सभापती रमेश तवडकार हांणी नोटीस जारी केल्या. 14 ऑक्टोबर दिसा सांजे 5.30 वरांचेर हे विशीं सुनावणी जातली.
फाटले विधानसभा वेंचणुकेच्या निकाला उपरांत सप्टेंबर 2022 त आदले विरोधी पक्षफुडारी मायकल लोबो हांचे सयत दिगंबर कामत, डिलायला लोबो, केदार नायक, संकल्प आमोणकार, राजेश फळदेसाय, आलेक्स सिक्वेरा आनी रुडॉल्फ फर्नांडीस हांणी वेगळो गट स्थापन करून भाजपांत प्रवेश केलो. ते उपरांत ह्या आठ फुटीर आमदारां आड गिरीश चोडणकार हांणी सभापती रमेश तवडकार हांचे मुखार याचिका दाखल केल्ली.
पूण सभापती तवडकार हांणी निर्धारीत वेळांत याचिकेचेर सुनावणी घेवंक नाशिल्ल्याचो दावो करून चोडणकार हांणी पयलीं उच्च न्यायालयांत आनी ते उपरांत सर्वोच्च न्यायालयांत धांव घेतिल्ली. सर्वोच्च न्यायालयांत ह्या प्रस्नाचेर सुनावणी सुरू आसतना सभापती रमेश तवडकार हांणी फुटीर आठूय आमदारांक 14 ऑक्टोबराक सुनावणे खातीर हजर रावपा विशींची नोटीस जारी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
