भांगरभूंय | प्रतिनिधी
भांगरभूंय । प्रतिनिधी
थिवीः थिवी हांगचो कवी हरिष कामत हांच्या ‘आजयेची शिकवण’ ह्या पयल्या पुस्तकाचें प्रकाशन बार्देश कोंकणी अस्मिताय केंद्र आनी श्री सरस्वती वाचपगर माडेल, थिवी हांच्या जोड पालवान थिवी हांगच्या फाज हावसिंग कॉलनीच्या सभाघऱांत कवी आनी लेखक देविदास नायक हाचे हस्तुकीं जालें.
हे कार्यावळीची येजमानकी कवयित्री नूतन साखरदाणे हिणे चलयली. ह्या वेळार सौनाली चोडणकार, बार्देश कोंकणी अस्मिताय केंद्र उपाध्यक्ष अनघा कामत, फाज हावसिंग कॉलमीचो अध्यक्ष रामनाथ पार्सेकार, सरस्वती वाचपघराचो अध्यक्ष प्रा. सुभाष कवठणकार आनी लेखक हरीष कामत माचयेर आशिल्ले. हरीष कामत एक बरो कवी आसा. ताचे हें पयलेंच पुस्तक आसा तरी ताच्यो जायत्यो कविता आतां मेरेन दिसाळ्यांतल्यान, आनी मासिकांत प्रसिद्ध जाल्यात. ताणे त्यो रोखड्योच पुस्तक रुपान प्रकाशीत करच्यो अशी सूचोवणी देविदास नायक हाणे केली.
नूतन साखरदांडेन सांगलें की हरिष कामत हाका ल्हान भुरग्यांक आवडटात अश्यो कविता करप आवडटा. सोनाली पेडणेकारान पुस्तकाचे परिक्षण वजा नियाळ घेतलो. हरिष कामत हांणी पुस्तक प्रकाशीत करपाची प्रेरणा कशी मेळ्ळी हें सांगलें. अनघा कामत हिणे येवकार दिलो. सुभाष कवठणकारान आपलें मनोगत उक्तायलें. रामेश्वर कुभलान उपकार मानले. पूनम बुर्येन सूत्रसंचालन केलें. हरिष कामत हाचे हस्तुकीं पुस्तकाचें पयलें पान तयार करपी वासुदेव दिवकर आनी पुस्तकांतली चित्रा रेखाटपी बाल चित्रकार साईशा वासुदेव दिवकर हांका यादस्तिकां भेटयलीं. कार्यावळीक सरपंच अर्जुन आरेसकार आनी हरिष कामत हाचें बरे मागपी हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
