भांगरभूंय | प्रतिनिधी
पणजी : आगशेच्या दोगी नेण्ट्या चलयांचेर लैंगीक अत्त्याचार जाल्ल्याची घडणूक मुखार आयल्या. हे फाटभूंयेर पुलिसांनी दोगांक अटक केल्या. सध्या तपास सुरू आसा.
नेमकें प्रकरण कितें?
वाडदीस मनोवपाक गेल्ल्यो दोन चलयो घरा येवंक ना म्हूण तांच्या पालकांनी तीं बेपत्ता जाल्ल्याची कागाळ नोंद केल्ली. आगशी पुलिसांनी तपासाक वेग हाडून दोनूय चलयांची कळंगुटेच्यान सुटका केली.
चड म्हायती प्रमाण, पिडेस्त चलयां मदल्या एकल्याचो वाडदीस मनोवपा खातीर ह्यो दोगीय चलयो, एके इश्टीणीच्या इश्टा वांगडा कळंगुटे गेल्ल्यो. पुलिसांनी चड चवकशी केली तेन्ना त्या दोगांयचेर लैंगीक अत्याचार जाल्ल्याचें स्पश्ट जालें.
मजगतीं, हे विशीं पुलिसांनी गुन्यांव नोंद करून दोगां दुबावितांक अटक केल्या. फुडलो तपास पुलीस निरीक्षक अनंत गांवकार करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
