भांगरभूंय | प्रतिनिधी
पेडणें: आगरवाडो-चोपडेंची ग्रामसभा आपोवंक नाशिल्ल्यान कांय नागरिकांनी पेडणें गटविकास अधिकार्यां कडेन कागाळ केल्ली. तांणी पंचायतीक बेगोबेग ग्रामसभा आपोवपाचो आदेश काडला. ताचे फाटभूंयेर ग्रामसभा आयतार ता. १८ मेक सकाळीं १० वरांचेर पंचायतीच्या मिनी सभाघरांत आपयल्या.
प्रभारी सरपंच शिल्पा राऊत नायक हांणी तशी नोटीस काडल्या. ते प्रमाण जांकां हे बसकेंत प्रस्न वा थाराव मांडपाचो आसल्यार तांणी पंचायत कार्यालयांत बुधवारा १४ मे मेरेन पंचायत सचिवां कडेन लेखी स्वरूपांत ते सादर करचे अशें कळयलां.
हे बसकेंत विवीध उदरगतीच्या कामांचेर तशेंच चर्चा करतले. तशेंच थाराव मंजूर करतले. २०२४-२५ च्या सुधारीत तशेंच २०२५-२६ च्या अंदमासपत्रकाक मान्यताय दितले. २०२४-२५ प्रशासकीय अहवालाक मान्यताय दितले. तशेंच २०२४ – २५ जमाखर्च तशेंच २०२३-२४ लेखा तपासणी अहवालाक मान्यताय दितले.
मनरेगा खाला विकास कामां हातांत घेवपा विशींय हे ग्रामसभेंत निर्णय घेतले. तरी नागरिकांनी हे ग्रामसभेक हजर रावचें अशें शिल्पा राऊत नायक हांणी कळयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
