भांगरभूंय | प्रतिनिधी
25 लाखांचें लुकसाण
भांगरभूंय । प्रतिनिधी
मडगांव : आकें वाठारांतल्या फास्ट फूड सेंटराक शुक्रारा मध्यानरातीर 3 वरांच्या सुमाराक उजो लागपाची घडणूक घडली. मडगांव उजो पालोवपी दळान उज्याचेर नियंत्रण मेळयलें. ह्या उज्यांत 25 लाख रुपयांचें लुकसाण जालें, जाल्यार 4 लाखांची मालमत्ता वाटावपाक येस आयलें. उजो लागपाचें कारण स्पश्ट जावंक ना.
आकें वर हावसा लागसारच्या यशोधन हॉस्पिटला कडल्या अल्झाना कॉम्प्लेक्सांतल्या तळमाळ्यार आशिल्ल्या फास्ट फूड सेंटराक रातच्या 3 वरांच्या सुमाराक उजो लागलो. ह्या सेंटरांतलें सगलें सामान, वायरींग लासून गोबर जाली.
फास्ट फूड सेंटराचे धनी रघुवेंद्र पै हांणी दिल्ले म्हायती प्रमाण रातच्या 3 वरांच्या सुमाराक तांकां शेजारच्या कांय जाणांनी कॉस करून दुकानांतल्यान धुंवर येता अशें सांगलें. मडगांव उजो पालोवपी दळाक हाची म्हायती दिली. उजो पालोवपी दळाचे जवान घडणुकेचे सुवातेचेर पावता मेरेन उज्यान पेट घेतिल्लो. उजो कसो लागलो हाचें कारण कळूंक ना, मात ह्या उज्यांत सेंटरांतलें खाद्यपदार्थ करपाचे सगळें सामान, कड्डणां, वायरींग आनी हेर सामानाचो लासून गोबर जालो.
मडगांव उजो पालोवपी दळान दिल्ले म्हायती प्रमाम ह्या उज्यांत फास्ट फूड सेंटराची सुमार 25 लाखांची मालमत्ता लासून गोबर जालीं जाल्यार 4 लाखांची मालमत्ता वाटावपाक येस आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
