भांगरभूंय | प्रतिनिधी
मडगांव : आंब्याचो हंगाम आतां सुरु जाता. मडगांवां सयत राज्याच्या हेर बाजारांत हापूस, पायरी, मानकुराद, तोतापुरी आंब्यां सयत तोरांय उपलब्ध जातात. जरी आंबो आजूनय व्हडा प्रमाणांत बाजारांत दाखल जावंक ना तरी बारीक तोरां बाजारांत विक्रे खातीर आयल्यांत. बाजारांत आजून जाय तसो व्हडलो आंबो येवंक ना. मात अंदूं आंब्याचाी हंगाम बरो आशिल्ल्यान फुडल्या पंदरा दिसांनी बाजारांत व्हडा प्रमाणांत आंबो दाखल जावपाक शकता. सध्या मडगांवच्या बाजारांत हापूस आंबो, पायरी आंबो, मानकुराद आनी तोतापुरी आंबो दाखल जाला.
मानकुराद आंबो ४५० रुपयांक एक असो म्हणल्यार साडेपांच हजारांक एक डझन असो विक्री जाता. हापूस आंब्याचीं तोरां बाजारांत आयिल्ल्यान शंभर रुपयांक एक प्रमाण १२०० रुपयांक डझन अशी विक्री जाता, अशें मडगांवच्या आंबो विक्रेते नरेंद्र नायक हांणी बाजारांत सध्या उपलब्ध आशिल्ल्या आंब्या विशीं म्हायती दितना सांगलें.
मजगतीं, पायरी आंबो एक हजार रुपया डझन, जाल्यार तोतापुरी आंबो ६०० ते ७०० रुपया डझन असो विक्री करता. फुडल्या पंदरा दिसांनी आंबे बाजारांत येवपाचे वाडटले आनी बरो आंबो गिरायकां खातीर उपलब्ध जातलो, अशी आस्तूय नरेंद्र नायक हांणी उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
