भांगरभूंय | प्रतिनिधी
भांगरभूंय । प्रतिनिधी
वाळपयः डॉ बाबासाहेब आंबेडकर हाणी भारतीय संविधानां वरवीं दरेकाक नागरिकत्वाचो हक्क मेळोवन दिला. तांच्या ह्या वावराचो याद तरणाटे पिळगेन दवोरपाक जाय. आंबेडकर हांचे विचार सगळ्यां खातीर मार्गदर्शक आसात अशें पालक- शिक्षक संघाची उपाध्यक्ष डॉ अर्चना गांवकारान धावें तार हांगच्या ज्ञानसागर विद्या मंदिरात आयोजीत केल्ले आंबेडकर जयंती कार्यावळींत सांगलें. ह्या वेळार माचयेर रणजीत राणे, मुख्याध्यापक अभिषेक गांवस आशिल्ले.
समाजाचे सर्वांगी उदरगती खातीर डॉ आंबेडकरांचे विचार म्हत्वाचे आसात. आंबेडकरांक जगपा खातीर संघर्श करचो पडलो मात ताणी घडयल्ल्या आपल्या व्यक्तिमत्वाक आनी देशा खातीर दिल्ल्या योगदानाक म्हत्व आसा अशें रणजीत राणेन सांगलेंले.
सुवरेक आंबेडकरांच्या फोट्याक फुलां हार घालून मानेस्तांनी तांका मानवंदना दिली. कार्यावळीचें सूत्रसंचालन पल्लवी पोळेकारान केले आनी रीना गांवकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
