भांगरभूंय | प्रतिनिधी
हैदराबाद, खबरां संस्था ः उच्च न्यायालयान आंध्र प्रदेशाचे आदले मुख्यमंत्री चंद्रबाबू नायडू हांकां 28 दिसां खातीर अंतरिम जामीन दिला. नायडूक 9 सप्टेंबराक नांदयाल हांगाच्यान सीआयडीन कुशळटाय विकास घोटाळ्याच्या प्रकरणांत अटक केल्ली. आंध्र प्रदेश उच्च न्यायालयाचे वकील सुनाकारा कृष्णमूर्ती हांणी ही म्हायती दिली.
सीआयडीन नायडू आड चवथो गुन्यांव नोंद केला. सध्याचे प्रकरण हे सोऱ्याच्या दुकानांक परवानो दिवपा कडेन संबंदीत आसा. फाटल्या सरकाराच्या काळांत बेकायदेशीर सोऱ्याच्या दुकानांक परवाने दिल्ल्याचो आरोप नायडूचेर आसा. कौशल्य विकास घोटाळ्यांत ते पयलींच न्यायालयीन बंदखणींत आसा. तशेंच अंगालू हिंसा प्रकरण आनी अमरावती रिंग रोड प्रकरणांत तांचे आड चवकशी सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
