भांगरभूंय | प्रतिनिधी
प्रकाशम, खबरां संस्था: आंध्रप्रदेशच्या प्रकाशम जिल्ह्यांतल्या एके ५७ वर्सांचे बायलेन स्वताच्याच पुताचे वायट वागणुकेक बेजारून ताचो खून केल्ल्याची घडणूक घडली. हे विशीं धक्को दिवपी गजाल म्हळ्यार हे बायलेन आपल्या सोयर्यांचे मजतीन पुताचे कुडीचे पाच कुडके केल्ल्याचे पुलिसांक सांगलें.
प्रकाशमचे पुलीस अधीक्षक ए. आर. दामोदर हांणी, के. लक्ष्मी देवी (५७) हांणी १३ फेब्रुवारीक तिचो सफाई कामगार आशिल्लो पूत के. श्याम प्रसाद (३५) हाचो खून केल्ल्याचो आरोप आसा. तशेंच देवी हिच्या सोयर्यांनी हो खून करपाक तिका मजत केल्ल्याचोय आरोप आसा.
आपल्या पुताचीं विकृतपणा आनी असभ्य वागणूक सोसूंक जायनाशिल्ल्यान तिणें आपल्या पुताचो खून केलो, अशें पुलीस अधिकारी दामोदर हांणी सांगलें. प्रसादने बेंगळुरू, खम्मम आनी हैदराबादच्या तिच्या आत्या वांगडा आनी हेर सोयर्यांकूय वायट वागणूक दिली. प्रसादाचें आजून लग्न जावंक नाशिल्लें. ताणें आपले मावशेचेरूय बलात्कार करपाचो यत्न केल्लो. ह्या सगळ्याक बेजारून ताचे आवयन ताचो खून केल्ल्याचें पुलिसांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
