भांगरभूंय | प्रतिनिधी
पणजी : आंगार होळी पडून जखमी जाल्लो पुलीस हवालदार प्रणव मिशाळ (४२, मेणकुर्यां, दिवचल) हाका गोमेकॉंत उपचार चालू आसतना मरण. प्रणव काल होळीची तयारी करतना झाड आंगार पडून गंभीर जखमी जाल्लो. उपरांत ताचेर गोमेकॉंत उपचार सुरू आशिल्ले. आयज सकाळीं सुमार ११ वरांचेर ताका मरण आयलें.
गोंयच्या मुंबय उच्च न्यायालयांत सुरक्षा विभागांत ते आशिल्ले आनी सरकारी अभियोक्त्यांच्या हाता खाला सेवा दिताले.
तांचे फाटल्यान तांची घरकान्न, पूत, आवय- बापूय आनी भाव असो परिवार आसा. ते एक बरे नाट्यकलाकार आशिल्ले. तशेंच मनमेकळ्या सभावाचे म्हणून तांची वळख आशिल्ली. तांच्या अचकीत मरणान पुलीस खात्यांतले सहकारी आनी तांच्या इश्टांची दुख्ख उक्तायलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
