भांगरभूंय | प्रतिनिधी
तुमचे कुडीक खाज आयल्या आसतली आनी थंडीच्या दिसांनी ती मात्शी चड वाडल्या आसतली. गरम कपडे घालीना जाल्यार खाज येवपाक लागता. पूण थंडीच्या दिसांनी कित्याक खाज येता असो प्रस्न तुमकां केन्ना पडला? अशें जावपाक जायतीं कारणां आसात. हालींच शास्त्रज्ञांनी ताचें फाटलें कारण सोदलां. ताचो सोद काडलो. मेडिकल जर्नल सेल ह्या नेमाळ्यांत उजवाडाक आयिल्ल्या संशोधनांत एक्जिमा कडेन संबंदीत बॅक्टेरिया आनी खाज निर्माण करपी एन्झाइम्सा मदीं संबंद मेळ्ळा.
खाज येवपाचे मुखेल कारण बॅक्टेरिया आसात, अशें संशोधनांतल्यान दिसून आयलां. खरें म्हळ्यार एक्जिमा हो काती संबंदीत दुयेंस. हाका लागून तुमचे कातीचेर ल्हान ल्हान दाग तयार जातात, सुज येता, तांबडे जाता आनी खाज येता. ही खाज सदांच खंयच्या वेळार येता आनी ही समस्या वाडतच रावता.
एस. ऑरियस कातींत V8 प्रथिन नांवाचें एन्जाइम घालता, जें खाज निर्माण करपी न्यूरॉन्स सक्रिय करपाक मजत करता. ह्या संशोधनाचे सोद ताणें नोव्हेंबरांत सेल ह्या नेमाळ्यांत उजवाडायल्यात. एस. ऑरियस हें एक्जिमाचे मुखेल कारण. हे एक प्रकारचे बॅक्टेरिया, जे कातीच्या थरांत घुसून कातीचे जायते दुयेंस निर्माण करतात.
एक्जिमा हो कातीचो दुयेस. हातूंत कात सुकता आनी खाज येता. कातीक खाज आयल्या उपरांत मागीर तांबडे फोड येतात. हो दुयेंस कातीचें आडखळ कार्य दुबळें करता. देखून कातीक खाज येता. एक्जिमा हो कातीच्या दुयेंसाचो एक प्रकार मानतात. एलर्जी, आनुवंशिक घटक आनी चड सक्रिय रोगप्रतिकार शक्त हाका लागूनय एक्जिमा जावंक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
