भांगरभूंय | प्रतिनिधी
भांगरभूंय । प्रतिनिधी
दिवचलः बायल आनी भुरगीं कल्याण संचालनालया वतीन बाये- सुर्ला हांगच्या आंगणवाडीची शिक्षिका काजोल चोडणकार हिचे मार्गदर्शना खाल विद्यार्थ्यांच्या बाजार दिसाचें आयोजन केलें. ह्या वेळार शोभा फळदेसाय हाजीर आशिल्ली.
भामयकार आनी मडकयकार वाड्या वयल्या ल्हान भुरग्यांनी आनी तांच्या आवयांनी बाजार दिसांत घरां तयार केल्ले तरेकवार खावपाचे जिनस, भाजीपालो, फळां विकपाक दवोरल्लीं. वाड्या वयल्या बायलांनी ह्यो वस्तू विकत्यो घेतल्यो.
ह्या बाजार दिसा निमतान आंगणवाडींतल्या सान भुरग्यांक बाजार म्हणल्यार कितें तें समजून घेवपाक मेळ्ळें. भुरग्यांच्या आवयांनी केळी, तवशीं, तरेकवार भाजी, पणस, लोणचें, लाडू, सफरचंदा, चिकू, वायंगी, फुलां आनी हेर वस्तू विकपाक दवोरल्ल्यो अशी म्हायती काजोल चोडणकारान दिली
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
