भांगरभूंय | प्रतिनिधी
पणजी : अ. भा. कोंकणी परिशदेच्या आनी केरळ कोंकणी अकादमीच्या जोड पालवान सोमार 31 वेर कोचींत मनोमिलन संमेलन घडयतले. कुवप्पाडमाच्या योग्या पै नारायण पै ट्रस्टाच्या सभाघरांत सकाळीं 9 सावन सांजेच्या 6.30 वरां मेरेन जावपी संमेलनांत चर्चासत्रां, संस्कृतीक कार्यावळी आनी कोंकणी चित्रपटाचें प्रदर्शन जातलें.
सकाळीं 9.30 वरांचेर उक्तावण सुवाळ्यांत गोंयच्या श्री निराकार एज्युकेशन सोसायटीचे
अध्यक्ष प्रशांत नायक मुखेल सोयरे वांटो घेतले. परिशदेचें कार्याध्यक्ष चेतन आचार्य यजमानपण चलयतले.
निवृत न्यायाधीश एस. मनोहर किणी (अध्यक्ष, कोंकणी भाशा प्रचार सभा), डी. डी. नवीनकुमार (सचीव, कोंकणी साहित्य अकादमी केरळ), राजेश शर्मा ( सिनेकलाकार), एच. एम. पेर्नेल (अ.भा. कों. परिशद), जितीनदास ए. एच (उप संचालक,जीएसडी ऑडिट आयुक्तालय, अर्थीक मंत्रालय), रघुराम जे. पै (नगरसेवक, कोची म्हापालिका), अॅड. प्रिया प्रशांत (नगरसेवक) हे मानाचे सोयरे आसतले. ह्या वेळार कांय मानेस्तांचो भोवमान जातलो.
11 क कोंकणी – काल आज आनी फाल्या ह्या विशयाचेर डाॅ. पी. आर. हरीन्द्र शर्मा हांचे अध्यक्षते खाला भासाभास जातली. एस. रामकृष्ण किणी, संध्या वी. प्रभु आनी के. एस. कृष्णकुमार हे वांटेकार जातले. 11.45 क सांस्कृतिक कार्यावळींत विद्यार्थी कला सादर करतले. अंडिकडवु सुरेश पै हांचे हास्य गीत, कुटुंबी सेवा संगम शाखा 31 हांगेंलें फुगडी नाच आनी लोक गीतगायन, वेळ्ळाळा शेटी समाजाचे कार्यक्रम आनी कोंकणी प्रेमी मंडळाचे लोकसंगीत जातलें.
दनपारां 2.30 सावन कोंकणी लोकांची उदरगत – आव्हान आनी उपाय ह्या विशयावेल्या चर्चेंत अॅड. कृष्णकुमार जी., श्याम कुमार, संजय राजगोपाल, ओल्या बाबु, पी. ए. रामचंद्रन, पी. के. शशी, एम. एन. मुरळीधर स्वार, जी. एस. महेश शेटी, बी. एस. रमेश शेट हें वांटेकार जातलें. आर. एस.भास्कर आनी गोकुळास प्रभु हें सत्रसंचालन करतले.
3.30 सावन समारोप सुवाळ्यांत न्या. एन. नगरेश मुखेल सोयरे आसतले. केरळ कोंकणी अकादमीचे अध्यक्ष पी. एन. कृष्णन हांगेल्या यजमानपणा खाला जावपी संमेलनांत सुधा दिलीप (नगरसेविका), अविनाश पी. कामत (अध्यक्ष, कोची तिरुमला देवस्थान), जी. एस. श्रीकुमार (मुख्य अधिकारी, श्रीजनार्धन देवस्थान), नवीन ए. प्रभु (ट्रस्टी, वै. एन. पी. ट्रस्ट) हे मानेस्त उपस्थित आसतवलें. अकादमीचे उपाध्यक्ष सदानंद भट उपकार मागतले. सांजेंच्या 5 वरां सावन 6.30 मेरेन ‘अन्त्यारंभ’ ह्या कोंकणी चित्रपटाचे प्रदर्शन जातलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
