भांगरभूंय | प्रतिनिधी
पणजीः अखील भारतीय कोंकणी परिशदेची साबार बसका कोंकणी भवन विद्यानगर मडगांवां 1 डिसेंबराक परिशदेचे अध्यक्ष फा. मोउजीञु द आतायद हांचे अध्यक्षते खाला जाली. तातूंत परिशदेची 2024- 26 अशी दोन वर्सां खातीर कार्यकारिणी समिती वेंचली.
वेंचिल्ली कार्यकारिणी समिती फुडें दिल्ले प्रमाण- उपाध्यक्ष- हेमा नायक, कार्याध्यक्ष- चेतन आचार्य, उप कार्याध्यक्ष – टायटस नोरोन्हा (कर्नाटक,) रुजारियो पिंटो (महाराष्ट्र), पी. एम. कृष्णन (केरळ), सरकार्यदर्शी- स्नेहा सबनीस, भांडारी- हेन्री पेरनाल, सह कार्यदर्शी- फिलोमेना सांफ्रासिस्को, वांगडी- अनंत अग्नी, राकेश मिनेझीस आनी अरविंद बार्देसकार. शशिकांत पुनाजी हांणी वेंचणूक अधिकारी म्हूण काम पळयलें. फा. मोउजीञु द आतायद हांणी प्रास्तावीक केलें. अस्तमते कार्यकारिणीचे सरकार्यदर्शी गौरीश वेर्णेंकार हांणी फाटले बसकेचें इतिवृत्त सादर केलें. ऑक्टोबरांत मडगांवां जाल्ले अखील भारतीय कोंकणी अधिवेशनाचें येसस्वी आयोजन केल्ले खातीर आयोजन समितीक परबीं दिवपाचो थाराव घेतलो. स्नेहा सबनीस हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
