अ. गों. आंतरशालेय तियात्र सर्त २८ सावन
भांगरभूंय | प्रतिनिधी
पणजी, प्रतिनिधी : गोंय तियात्र अकादमीन रवींद्र भवन, मडगांव हांच्या सहकार्यान २८ ऑगस्ट ते १ सप्टेंबर मेरेन रवींद्र भवनांत पयल्या अखील गोंय तियात्र सर्तीचें आयोजन केलां. सर्त दनपरां ३.३० वरां सावन सुरू जातली.
सर्तींत वांटो घेतिल्ल्या विवीध शाळां वतीन पांच तियात्र सादर करतले. २८ ऑगस्ट दिसा रोझरी हायस्कूल, कुजिरा- बांबोळी हांचे वतीन ‘उगतें मळब’, २९ ऑगस्ट दिसा फातिमा कॉन्व्हेंट हायस्कूल, मडगांव हांचे वतीन ‘माची’, ३० ऑगस्ट दिसा अवर लेडी ऑफ कार्मेल हायस्कूल, कुडतरी हांचे वतीन ‘आयो रे आयो रे पावसा’, ३१ ऑगस्टाक सेंट रॉक हायस्कूल, तळेकांटो वेळ्ळी हांचे वतीन ‘पायचें पाप, दुवेंची झाप’ आनी १ सप्टेंबराक अवर लेडी ऑफ द रोझरी हायस्कूल, दोनापावला हांचे वतीन ‘मातीयेचें भांगर’ तियात्र जातलो. राज्यांतल्या तियात्रमोगींनी सगल्या तियात्रांचो आस्वाद घेवचो, अशें अकादमीन कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
