भांगरभूंय | प्रतिनिधी
ऑस्ट्रेलियेचो बॅट्समन अॅरोन फिंचान वन डे क्रिकेटींतल्यान निवृत्तीची घोशणा केली. फिंच आयज न्युझिलॅण्डा आडची निमाणी वन डे मॅच खेळटलो.
11 सप्टेंबराक फिंच क्रिकेटींतल्या ताच्या फुडारा विशीं व्हड घोशणा करपाचो आसा अशी चर्चा ऑस्ट्रेलियेंत चालू आशिल्ली. ही चर्चा खरी थारायत ताणें अखेर वन डे क्रिकेटींतल्यान निवृत्त जावपाची घोशणा केली.
वन डे क्रिकेटींत धांवड्यो करतना ताका हालींसाराक ताका झुडचें पडटालें. फाटल्या सात डावांनी ताणें फक्त 26 धांवड्यो केल्यात. हातूंत तीन खेपे शुन्याचेर बाद जाला. न्युझिलॅण्डा आड चालू आशिल्ले वन डे माळेंत ताका दोनूय डावांनी मेळून फक्त पांच धांवड्यो करप शक्य जाल्यात. पूण, टी-20 पंगडाचो मुखेली म्हूण कायम आसा. वर्साचे अखेरेक जावपी संवसारीक टी-20 सर्तींत तो पंगडाचें फुडारपण करतलो. ताच्याच फुडारपणाखाला ऑस्ट्रेलियेन पोरूं जाल्ली संवसारीक टी-20 सर्त जिखिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
